Imam Ul Haq Replaces Fakhar Zaman in Pakistan Squad : चॅम्पियन्स ट्रॉफी सुरू होताच पाकिस्तान संघाला मोठा धक्का बसला आहे. संघाचा अनुभवी सलामीवीर फखर झमान दुखापतीमुळे संपूर्ण स्पर्धेतून बाहेर पडला आहे. न्यूझीलंडविरुद्धच्या पहिल्या सामन्यात फखर जमानला दुखापत झाली होती, त्यामुळे तो आगामी सामन्यांमध्ये खेळू शकणार नाही. त्याच्या जागी इमाम उल हकचा पाकिस्तानी संघात समावेश करण्यात आला आहे.
चॅम्पियन्स ट्रॉफीसाठी पाकिस्तानच्या संघात सैम अयुबच्या जागी फखर झमानचा समावेश करण्यात आला. दुखापतीमुळे सॅम अयुबला चॅम्पियन्स ट्रॉफी संघात स्थान मिळू शकले नाही. फखर झमानला संघात समाविष्ट करण्यात आले, पण पहिल्या सामन्यात क्षेत्ररक्षण करताना त्यालाही दुखापत झाली. चॅम्पियन्स ट्रॉफीच्या दुसऱ्या चेंडूवर क्षेत्ररक्षण करताना त्याला दुखापत झाली. त्याला ताबडतोब मैदान सोडावे लागले. यानंतर, तो निश्चितच फलंदाजीला आला, पण त्याला चांगली सुरुवात करता आली पण जास्त धावा करता आल्या नाहीत. यानंतर बातमी आली की तो संपूर्ण स्पर्धेतून बाहेर पडला आहे.
आता फखर जमानच्या जागी इमाम उल हकला पाकिस्तानच्या संघात स्थान मिळाले आहे. इमाम उल हकला त्याच्या खराब कामगिरीमुळे यापूर्वी संघात स्थान मिळाले नव्हते. मात्र, आता पाकिस्तानला इमामला संघात समाविष्ट करण्यास भाग पाडण्यात आले आहे. पाकिस्तानला आयसीसीच्या समितीकडून मान्यता मिळाली आहे. आता भारताविरुद्धच्या सामन्यात इमाम उल हक सलामीला येऊ शकतो.
जर आपण इमाम उल हकबद्दल बोललो त,र त्याने बऱ्याच काळापासून पाकिस्तानकडून एकही एकदिवसीय सामना खेळलेला नाही. तो शेवटचा सामना 2023 च्या वर्ल्ड कपमध्ये दक्षिण आफ्रिकेविरुद्ध खेळला होता. यानंतर, खराब कामगिरीमुळे त्याला संघात स्थान मिळत नव्हते. पण, आता तो दुखापतीमुळे बदली खेळाडू म्हणून संघात आला आहे.
इमाम उल हकची एकदिवसीय कारकीर्द
2017 मध्ये एकदिवसीय क्रिकेटमध्ये पदार्पण करणाऱ्या इमाम उल हकने 72 एकदिवसीय सामने खेळले आहेत. यामध्ये त्याने 48 पेक्षा जास्त सरासरीने 3138 धावा केल्या आहेत. इमामने या फॉरमॅटमध्ये 9 शतके आणि 20 अर्धशतके झळकावली आहेत.
चॅम्पियन्स ट्रॉफीमधून बाहेर पडल्यानंतर फखर झमानने लिहिली भावनिक पोस्ट...
या देशातील प्रत्येक क्रिकेटपटूसाठी सर्वात मोठ्या व्यासपीठावर पाकिस्तानचे प्रतिनिधित्व करणे हा एक सन्मान आणि स्वप्न आहे. मला अनेक वेळा अभिमानाने पाकिस्तानचे प्रतिनिधित्व करण्याचा मान मिळाला आहे. दुर्दैवाने मी आता आयसीसी चॅम्पियन्स ट्रॉफी 2025 मधून बाहेर आहे. या संधीबद्दल मी आभारी आहे.
हे ही वाचा -