IND vs NZ 3rd T20 : भारताने जिंकली नाणेफेक, सूर्यकुमारचा धाडसी निर्णय! अर्शदीप-वरुण OUT, बुमराह-बिश्नोई IN...., पाहा प्लेइंग

India vs New Zealand 3rd T20 Update : रविवार 25 जानेवारी रोजी भारत आणि न्यूझीलंड यांच्यातील तिसरा टी-20 सामना गुवाहाटीच्या बारासपारा स्टेडियमवर खेळवला जाणार आहे.

India vs New Zealand 3rd T20 Update

Source : ABP

India vs New Zealand 3rd T20 Update : रविवार 25 जानेवारी रोजी भारत आणि न्यूझीलंड यांच्यातील तिसरा टी-20 सामना गुवाहाटीच्या बारासपारा स्टेडियमवर खेळवला जाणार आहे. हा सामना भारतीय वेळेनुसार सायंकाळी 7 वाजता सुरू होईल. पाच सामन्यांच्या मालिकेत भारत सध्या 2-0 अशी आघाडीवर असून, आजचा सामना जिंकत टीम इंडिया 3-0 अशी अजिंक्य आघाडी घेण्याच्या तयारीत आहे. दुसरीकडे, न्यूझीलंडसाठी हा सामना ‘करो या मरो’ असणार असून, मालिका जिवंत ठेवण्यासाठी त्यांना विजय आवश्यक आहे.

भारताने नाणेफेक जिंकली

भारताने नाणेफेक जिंकली असून प्रथम गोलंदाजी करण्याचा निर्णय घेतला आहे. सूर्यकुमार यादव म्हणाला की, “विकेट चांगली दिसतेय आणि नंतर दव पडण्याची शक्यता आहे. आज संघात दोन बदल करण्यात आले आहेत. अर्शदीप सिंग आणि वरुण चक्रवर्ती यांना विश्रांती देण्यात आली असून, जसप्रीत बुमराह आणि रवी बिश्नोई यांना संधी देण्यात आली आहे.”

संजू सॅमसनवर असणार खास नजर

तिसऱ्या टी-20 सामन्यात विशेषतः संजू सॅमसनकडे सर्वांचे लक्ष असणार आहे. शुभमन गिल टी-20 संघातून बाहेर गेल्यानंतर सॅमसन अभिषेक शर्मासोबत सलामीला उतरत आहे. मात्र, या मालिकेतील दोन्ही सामन्यांत तो अपयशी ठरला असून, केवळ 16 धावा करू शकला आहे. दुसरीकडे, नागपूरमध्ये 35 चेंडूत 84 धावांची स्फोटक खेळी करणाऱ्या अभिषेक शर्माकडून पुन्हा एकदा मोठ्या इनिंगची अपेक्षा असेल.

टी-20 वर्ल्ड कप 2026 पूर्वी कर्णधार सूर्यकुमार यादवची फॉर्म परतताना दिसत आहे. रायपूरमध्ये त्याने नाबाद 82 धावांची शानदार खेळी साकारली होती. याशिवाय ईशान किशन आणि अष्टपैलू शिवम दुबे यांनीही चांगल्या फॉर्मचे संकेत दिले आहेत.

गुवाहाटीतील भारताचा टी-20 रेकॉर्ड

गुवाहाटीच्या बारासपारा स्टेडियमवर भारताचा टी-20 मधील रेकॉर्ड फारसा प्रभावी राहिलेला नाही. येथे भारताने आतापर्यंत 4 टी-20 सामने खेळले असून, केवळ 1 सामना जिंकला आहे. विशेष म्हणजे, या मैदानावर भारत आणि न्यूझीलंड यांच्यातील हा पहिलाच टी-20 सामना असणार आहे.

आंतरराष्ट्रीय टी-20 क्रिकेटमध्ये भारत आणि न्यूझीलंड यांच्यात आतापर्यंत 27 सामने खेळवले गेले आहेत. त्यापैकी 16 सामने भारताने, तर 10 सामने न्यूझीलंडने जिंकले असून, 1 सामना टाय झाला. मागील 16 टी-20 सामन्यांत न्यूझीलंडला केवळ 2 वेळाच भारतावर मात करता आली आहे. आकडेवारी भारताच्या बाजूने असली, तरी या मैदानावर दोन्ही संघ पहिल्यांदाच आमनेसामने येणार असल्याने सामना रंगतदार होण्याची शक्यता आहे.

न्यूझीलंड संघाचा प्लेइंग-11 : डेव्हॉन कॉनवे, टिम सेफर्ट (डब्ल्यू), रचिन रवींद्र, ग्लेन फिलिप्स, मार्क चॅपमन, डॅरिल मिशेल, मिशेल सँटनर (क), काइल जेमिसन, मॅट हेन्री, ईश सोधी, जेकब डफी

भारतीय संघाचा प्लेइंग-11 : संजू सॅमसन (w), अभिषेक शर्मा, इशान किशन, सूर्यकुमार यादव (क), शिवम दुबे, हार्दिक पांड्या, रिंकू सिंग, हर्षित राणा, रवी बिश्नोई, कुलदीप यादव, जसप्रीत बुमराह

हे ही वाचा -