Ind vs Eng 4th Test Day 5 : मँचेस्टर कसोटी अनिर्णित, गिलनंतर जडेजा अन् सुंदर यांनी ठोकली शतके; इंग्लंड 1-2 ने आघाडीवर

India vs England Day 5 Live Latest Updates : मँचेस्टर कसोटी सामना आता निर्णायक वळणावर आहे. भारताला पराभव टाळायचा असेल, तर शेवटच्या दिवशी चांगली फलंदाजी करावी लागणार आहे.

पार्श्वभूमी

India vs England Day 5 Live Latest Updates : मँचेस्टर कसोटी सामना आता निर्णायक वळणावर आहे. भारताला पराभव टाळायचा असेल, तर शेवटच्या दिवशी चांगली फलंदाजी करावी लागणार आहे. सध्या सर्वांची आशा कर्णधार शुभमन गिल आणि सलामीवीर के.एल. राहुलवर टिकून आहे. चौथ्या दिवशी खेळ संपेपर्यंत भारताने दुसऱ्या डावात 2 बाद 174 धावा केल्या आहेत, पण अजूनही ते इंग्लंडच्या 137 धावांनी पिछाडीवर आहेत.पहिले सत्र ठरणार निर्णायकपाचव्या दिवसाचे पहिले सत्र भारतासाठी अत्यंत महत्त्वाचा असणार आहे. जर गिल आणि राहुल हे दोघे सत्रभर खेळत राहिले, तर भारतासाठी सामना वाचवणं सोपं होईल आणि सामना ड्रॉ होण्याची शक्यता वाढेल. पण जर भारत पराभूत झाला, तर ही मालिका देखील गमावावी लागेल.पावसाची शक्यता आणि स्टोक्सची अनुपस्थितीसामन्याच्या शेवटच्या दिवशी पावसाची शक्यता वर्तवली गेली आहे, त्यामुळे भारताला दिलासा मिळू शकतो. तसेच इंग्लंडचा कर्णधार बेन स्टोक्स दुखापतीमुळे शेवटच्या दिवशी गोलंदाजी करु शकणार नाही, अशी शक्यता आहे. स्टोक्सने पहिल्या डावात 5 विकेट घेतले होते आणि या मालिकेत आतापर्यंत सर्वाधिक 17 विकेट्स घेतल्या आहेत.उपकर्णधार जखमी असतानाही फलंदाजीसाठी तयारया दरम्यान, भारताचा उपकर्णधार जरी जखमी असला तरी गरज भासल्यास तो फलंदाजीस उतरेल, अशी माहिती भारताचे फलंदाजी प्रशिक्षक सितांशु कोटक यांनी पत्रकार परिषदेत दिली आहे.  

27/07/2025 22:15:58

मँचेस्टर कसोटी अनिर्णित, गिलनंतर जडेजा अन् सुंदर यांनी ठोकली शतके; इंग्लंड 1-2 ने आघाडीवर

भारतीय संघाने रविवारी इंग्लंडविरुद्ध चौथा कसोटी सामना अनिर्णीत ठेवण्यात यश मिळवलं. इंग्लंडने आपल्या पहिल्या डावात 669 धावांची मजल मारत भारतावर 311 धावांची भक्कम आघाडी घेतली होती. मात्र दुसऱ्या डावात के. एल. राहुल – शुभमन गिल आणि नंतर रवींद्र जडेजा – वॉशिंग्टन सुंदर यांच्यात झालेल्या शतकी भागीदारीच्या जोरावर भारताने अंतिम दिवशी दुसऱ्या डावात आघाडी घेतली आणि इंग्लंडच्या विजयाच्या आशा पूर्णपणे उधळून लावल्या. भारताने दुसऱ्या डावात केवळ 4 गडी गमावत 425 धावा केल्या.

27/07/2025 21:56:22

जडेजा अन् सुंदर यांच्यात 130+ धावांची भागीदारी, भारताची इंग्लंडवर 45+ धावांची आघाडी; जाणून घ्या प्रत्येक अपडेट

जडेजा आणि सुंदर यांनी आधीच शतकी भागीदारी केली आहे आणि भारताने इंग्लंडवर आघाडी घेतली आहे.

27/07/2025 21:56:22

जडेजा अन् सुंदर यांच्यात 130+ धावांची भागीदारी, भारताची इंग्लंडवर 45+ धावांची आघाडी; जाणून घ्या प्रत्येक अपडेट

जडेजा आणि सुंदर यांनी आधीच शतकी भागीदारी केली आहे आणि भारताने इंग्लंडवर आघाडी घेतली आहे.

27/07/2025 19:57:36

सुंदर अन् जडेजाने ठोकली अर्धशतके, टीम इंडियाने इंग्लंडवर घेतली आघाडी; जाणून घ्या प्रत्येक अपडेट

सुंदर आणि जडेजाच्या अर्धशतकी खेळीच्या जोरावर भारताने इंग्लंडवर आघाडी घेतली. आता भारताचा स्कोअर चार विकेटच्या मोबदल्यात 313 धावा आहे.

27/07/2025 17:47:52

पाचव्या दिवशी पहिल्या सत्रात टीम इंडियाला दोन धक्के, केएल राहुलनंतर गिल OUT; लंचपर्यंत भारताची धावसंख्या 223, अजूनही इंग्लंडपेक्षा 89 धावांनी मागे

पाचव्या दिवशी पहिले सत्र संपले आहे. या सत्रात भारताला दोन धक्के बसले. केएल राहुलला बेन स्टोक्सने एलबीडब्ल्यू आऊट केले. तो 230 चेंडूत 90 धावा काढून बाद झाला. यानंतर शुभमन गिलने 228 चेंडूत चालू मालिकेतील आपले चौथे शतक पूर्ण केले आणि 103 धावा काढून बाद झाला. त्याला आर्चरने आऊट केले. सध्या सुंदर 21 आणि जडेजा (0) क्रीजवर आहेत. भारताने चार विकेटवर 223 धावा केल्या आहेत आणि तो अजूनही इंग्लंडपेक्षा 89 धावा मागे आहे.

27/07/2025 17:11:50

शुभमन गिलने मालिकेतील ठोकले चौथे शतक, भारताने तीन बाद 200 धावा पार; अजूनही 90+ धावा मागे

भारतीय कसोटी कर्णधार शुभमन गिलने चालू मालिकेतील त्याचे चौथे शतक 228 चेंडूत पूर्ण केले. हे त्याच्या कसोटी कारकिर्दीतील नववे शतक आहे. यासह गिलने ब्रॅडमनची बरोबरी केली. कर्णधार म्हणून एका मालिकेत सर्वाधिक शतके करण्याचा विक्रम ब्रॅडमनच्या नावावर आहे. 1947 मध्ये त्याने भारताविरुद्ध चार शतके ठोकली होती.

27/07/2025 16:08:26

पाचव्या दिवशी भारताला मोठा धक्का! केएल राहुलचं शतक हुकले, बेन स्टोक्सने केली शिकार

188 धावसंख्येवर भारताला तिसरा धक्का बसला. पाचव्या दिवशी भारताला बसलेला पहिला धक्का आहे. स्टोक्सचा चेंडू राहुलच्या पॅडवर लागला आणि पंचांनी त्याला एलबीडब्ल्यू घोषित केले. 90 धावा काढल्यानंतर राहुल बाद झाला. सध्या कर्णधार शुभमन गिल 89 धावांवर आहे आणि वॉशिंग्टन सुंदर क्रीजवर आहे.

27/07/2025 16:02:23

पाचव्या दिवसाचा खेळ सुरू

पाचव्या दिवसाचा खेळ सुरू झाला आहे. शुभमन गिल आणि केएल राहुल क्रीजवर आहेत. दोघांमध्ये 175 धावांची भागीदारी झाली आहे.

27/07/2025 15:12:56

उपकर्णधार जखमी असतानाही फलंदाजीसाठी तयार

या दरम्यान, भारताचा उपकर्णधार जरी जखमी असला तरी गरज भासल्यास तो फलंदाजीस उतरेल, अशी माहिती भारताचे फलंदाजी प्रशिक्षक सितांशु कोटक यांनी पत्रकार परिषदेत दिली आहे.