Kohli Practice Video: भारताचा माजी कर्णधार विराट कोहली (Virat Kohli) अत्यंत वाईट टप्प्यातून जात आहे. मागील अडीच वर्षापासून विराट कोहलीला एकही शतक झळकावता आलं नाही. इंग्लंडविरुद्ध दुसऱ्या एकदिवसीय सामन्यात विराट कोहली फक्त 16 धावा करून माघारी परतला. महत्वाचं म्हणजे, वेस्ट इंडीजविरुद्ध टी-20 मालिकेतून त्याला वगळण्यात आलंय. तसेच वेस्ट इंडीजविरुद्ध एकदिवसीय मालिकेत तो भारतीय संघाचा भाग असेल का नाही? हे काही दिवसातचं स्पष्ट होईल. याच पार्श्वभूमीवर इंग्लंडविरुद्ध तिसऱ्या एकदिवसीय सामन्यापूर्वी विराट कोहली नेटमध्ये जोरदार सराव करताना दिसलाय.


भारत आणि इंग्लंड यांच्यात आज मँनचेस्टरच्या ओल्ड ओल्ड ट्रेफर्ड मैदानावर अखेरचा एकदिवसीय सामना खेळवला जाणार आहे. या सामन्यात विराट कोहलीनं शतक न झळकावल्यास त्याच्या नावावर नकोशा विक्रमांची नोंद होईल. विराट कोहलीनं आंतरराष्ट्रीय क्रिकेटमध्ये शेवटचं शतक नोव्हेंबर 2019 मध्ये झळकावलं होतं, ज्याला 19 ऑगस्ट 2022 रोजी 1000 दिवस पूर्ण होतील. 


व्हिडिओ- 



विराट कोहलीला वेस्ट इंडीज दौऱ्यात विश्रांती देण्यात आलीय. झिम्बॉव्वे दौऱ्यातही त्याला संघातून वगळलं जाण्याची शक्यता आहे. याच दरम्यान, विराट कोहलीला इंग्लंडविरुद्ध तिसऱ्या एकदिवसीय सामन्यात शतक झळकावता न आल्यास त्याला आशिया चषकापर्यंत शतक ठोकण्याची संधी मिळणार नाही. आशिया कप 27 ऑगस्टपासून सुरू होऊ शकतो. या स्पर्धेतील पहिला सामना भारताला श्रीलंकाविरुद्ध खेळायचा आहे. 


विराट कोहलीनं 2022 मध्ये 18 डावांमध्ये 25.50 च्या सरासरीनं 459 धावा केल्या आहेत. ज्यामध्ये त्याची सर्वोत्तम धावसंख्या 79 धावा आहे. कोहलीनं शेवटचं शतक नोव्हेंबर 2019 मध्ये झळकावलं होतं. सध्या सुरू असलेल्या इंग्लंड दौऱ्यावरही कोहली धावा काढण्यासाठी झगडत आहे. मागील अडीच वर्षात त्याच्या बॅटमधून एकही शतक झळकलं नाही. भारतीय संघ रविवारी इंग्लंडविरुद्ध तिसरा आणि अखेरचा एकदिवसीय सामना खेळणार आहे. या सामन्यात विराट कोहली कशी कामगिरी करतो? हे पाहणे महत्वाचं ठरणार आहे. 


हे देखील वाचा-