Rohit Sharma: टीम इंडियाचा कर्णधार रोहित शर्मा (Rohit Sharma) हा एक शांत कर्णधार वाटत असला तरी त्याच्यामध्ये एक खोडकर मुलगा दडलेला आहे. या गोष्टीचा प्रत्यय पुन्हा एकदा आला. रोहित शर्मा मैदानाच्या आत असो की बाहेर, त्याची मजेशीर शैली नेहमीच पाहायला मिळते. कधी त्याचा आवाज स्टंप माइकमध्ये रेकॉर्ड होतो, तर कधी त्याच्या काही मजेदार कृती कॅमेऱ्यात कैद होतात. यावेळीही असेच काहीसे घडले. रोहित शर्माचे एक मजेदार कृत्य कॅमेऱ्यात कैद झाले आहे.


बांगलादेशची फलंदाजी सुरु असताना रोहित शर्माचा (Rohit Sharma) मजेशीर व्हिडीओ समोर आला आहे. या व्हिडीओमध्ये रोहित शर्मा स्टम्पवरील बेल्सची अदलाबदल करताना दिसला. तसेच काहीतरी बोलून मंत्रही फुकल्याचे दिसून येतंय. याआधी दक्षिण आफ्रिका दौऱ्यावर खेळल्या गेलेल्या कसोटीत विराट कोहलीनेही बेल्सची अदलाबदल केली होती.






'भाई, कॅमेरा इधर है...', विराटचा इशारा-


सोशल मीडियावर व्हायरल झालेल्या व्हिडीओमध्ये विराट कोहली, रोहित शर्मा, शुभमन गिल, प्रशिक्षक गौतम गंभीर हे ड्रेसिंग रुममध्ये बसले होते. भारताची फलंदाजी सुरु होती. यावेळी रोहित शर्मा शुभमन गिलला काहीतरी सांगत होता. दोघांची मस्ती सुरु असल्याचं व्हिडीओमध्ये दिसत आहे. याचदरम्यान कॅमेरा रोहित शर्माकडे असतो आणि विराट कोहली रोहितला सांगतो की 'भाई, कॅमेरा इधर है'...कोहली बोलताच रोहित बघतो आणि काहीतरी बोलत पुढे बसलेल्या गौतम गंभीरच्या मागे लपतो. हे बघता ड्रेसिंग रुममध्ये बसलेल्या सर्वांना हसू अनावर होते. 






WTC च्या गुणतालिकेत टीम इंडिया अव्वल-




आयसीसी वर्ल्ड टेस्ट चॅम्पियनशिप 2023-25 ​​अंतर्गत खेळल्या जात असलेल्या दोन सामन्यांच्या कसोटी मालिकेतील पहिल्या सामन्यात भारताने बांगलादेशचा पराभव केला. टीम इंडिया आधीच जागतिक कसोटी चॅम्पियनशिपच्या गुणतालिकेत अव्वल स्थानावर होती आणि आता या विजयासह संघाने भक्कम आघाडी घेतली आहे. या सामन्यापूर्वी भारतीय संघ 68.52 टक्के गुणांसह पहिल्या क्रमांकावर होता आणि अजूनही पहिल्या क्रमांकावर आहे, मात्र भारताची टक्केवारी आता 71.67 झाली आहे.

 

संबंधित बातमी:



वडिलांना पोराचं कौतुक, रोहित-विराटची मिठी; बांगलादेशविरुद्धच्या विजयानंतर सगळेच भावूक, Photo