![ABP Premium](https://cdn.abplive.com/imagebank/Premium-ad-Icon.png)
Happy Birthday : एका डावात 10 विकेट्स, सर्वाधिक 5 विकेट्स घेण्याचा पराक्रम; अनिल कुंबळेंच्या विक्रमांवर नजर
Happy Birthday Anil Kumble : अनिल कुंबळेला जम्बो या नावाने ओळखलं जातं. अनिल कुंबळेने आपल्या फिरकीच्या तालावर अनेक दिग्गजांना नाचवलं आहे.
![Happy Birthday : एका डावात 10 विकेट्स, सर्वाधिक 5 विकेट्स घेण्याचा पराक्रम; अनिल कुंबळेंच्या विक्रमांवर नजर Happy Birthday Anil Kumble This things you might still not know about the Indian legend Happy Birthday : एका डावात 10 विकेट्स, सर्वाधिक 5 विकेट्स घेण्याचा पराक्रम; अनिल कुंबळेंच्या विक्रमांवर नजर](https://feeds.abplive.com/onecms/images/uploaded-images/2023/07/12/7d320976745c5670d70a1485402c9cf91689164269155689_original.jpg?impolicy=abp_cdn&imwidth=1200&height=675)
Anil Kumble Happy Birthday : भारताचा माजी दिग्गज फिरकीपटू अनिल कुंबळे (Anil Kumble) याचा आज 53 वा वाढदिवस आहे. अनिल कुंबळेला जम्बो या नावाने ओळखलं जातं. अनिल कुंबळेने आपल्या फिरकीच्या तालावर अनेक दिग्गजांना नाचवलं आहे. 17 ऑक्टोबर 1970 रोजी जन्माला आलेल्या कुंबळेच्या नावावर आंतरराष्ट्रीय क्रिकेटमध्ये जवळपास एक हजार विकेट आहेत.भारतीय क्रिकेटच्या इतिहासातील सर्वात यशस्वी फिरकी गोलंदाजांमध्ये अनिल कुंबळेचं नाव घेतलं जातं. कुंबळेंनी कसोटी क्रिकेटच्या एका डावात 10 फलंदाजांना तंबूत पाठवण्याचा पराक्रम केलाय. त्याशिवाय भारताकडून सर्वाधिक वेळा पाच विकेट्स विक्रमही त्यांच्याच नावावर आहेत. अनिल कुंबळेला क्रिकेट विश्वातून वाढदिवसाच्या शुभेच्चा दिल्या जात आहेत. चाहत्यांकडून त्याच्या विक्रमाची यादी सोशल मीडियावर टाकली जात आहे. कुंबळेच्या नावावर असलेल्या काही रंजक विक्रम पाहूयात...
कसोटी सामन्याच्या एका डावात 10 विकेट्स
दिल्लीच्या फिरोजशाह कोटला मैदानावर 1999 मध्ये पाकिस्तानविरुद्ध झालेल्या कसोटी सामन्या अनिल कुंबळेंनी एकाच डावात 10 विकेट्स घेण्याचा पराक्रम केला होता. अशी कामगिरी करणारा अनिल कुंबळे पहिला भारतीय आणि जगातील दुसरा गोलंदाज आहे. त्याच्यापू्र्वी इंग्लिश गोलंदाज जिम लेकरनं सर्वात प्रथम कसोटीच्या सामन्याच्या एका डावात 10 विकेट्स घेतल्या होत्या. त्यानंतर न्यूझीलंडचा फिरकीपटू एजाज पटेलनं भारताविरुद्ध 10 विकेट्स घेऊन खास क्लबमध्ये एन्ट्री केली होती. आतापर्यंत या तिघांनाच कसोटी सामन्याच्या एका डावात 10 विकेट्स घेता आल्या आहेत.
कसोटी आणि एकदिवसीय क्रिकेटमध्ये सर्वाधिक विकेट्स घेणारा भारतीय
अनिल कुंबळेंनी भारतासाठी कसोटी क्रिकेटच्या 132 सामन्यात सर्वाधिक 619 विकेट्स घेतल्या आहेत. कसोटी क्रिकेटमध्ये सर्वाधिक विकेट्स घेणाऱ्या गोलंदाजाच्या यादीत कुंबळे चौथ्या क्रमांकावर आहेत. एकदिवसीय क्रिकेटमध्येही कुंबळे याने 271 सामन्यात 337 विकेट्स मिळवल्या आहेत. यादरम्यान त्यानी दोन वेळा पाच विकेट्स घेण्याचा पराक्रम केलाय.
कसोटीत सर्वाधिक चेंडू टाकणारा गोलंदाज
भारतासाठी कसोटीत सर्वाधिक चेंडू टाकण्याचा विक्रमही कुंबळेच्या नावावर आहे. कुंबळेनी कसोटीत 40 हजार 850 चेंडू टाकले आहेत. केवळ मुथय्या मुरलीधरननं (44,039) कसोटी क्रिकेटमध्ये कुंबळेपेक्षा जास्त चेंडू टाकले आहेत. भारतासाठी कसोटीत सर्वाधिक पाच विकेट्स घेणाऱ्यांमध्येही कुंबळेंचं नाव आहे. कुंबळेंनी आपल्या कसोटी कारकिर्दीत 35 वेळा पाच विकेट्स घेतल्या आहेत.
इतर विक्रम
- कसोटी क्रिकेटमध्ये 2 हजार 506 धावा
- इंग्लंडविरुद्ध एकमेव शतक
- कसोटीत 2 हजार धावांसह 500 हून अधिक धावा करणारे जगातील दुसरे गोलंदाज
आंतरराष्ट्रीय कारकिर्द
अनिल कुंबळेनी 123 कसोटी आणि 271 एकदिवसीय सामन्यात भारतीय संघाचं प्रतिनिधित्व केलं होतं. कसोटीत कुंबळेच्या नावावर 619 विकेट्स घेतल्या आहेत. तर, एकदिवसीय क्रिकेटमध्ये कुबंळेच्या नावावर 337 विकेट्सची नोंद आहे. याशिवाय कुंबळेंनी 42 आयपीएल सामनेही खेळले आहेत. ज्यात त्यांनी 45 विकेट्स घेतल्या आहेत. अनिल कुंबळे याने भारतीय कसोटी संघाचे नेतृत्वही यशस्वीपणे संभाळले आहे.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)