Irfan Pathan : क्रिकेटच्या मैदानात (Cricket) अष्टपैलू खेळीने सर्वांची मनं जिंकणारा इरफान पठाण (Irfan Pathan) अलीकडे मात्र कॉमेन्ट्री आणि विविध क्रिकेटींग शोजमध्ये तुफान अॅक्टिव्ह असतो. त्यात आता तो एका ट्वीटमुळे अधिक चर्चेत आला आहे. इरफानने आज पहाटेच्या सुमारास एक देशाबद्दलचं ट्वीट केलं. ज्या ट्वीटनंतर विविध प्रतिक्रिया त्यावर येत होत्या. क्रिकेटपटू अमित मिश्राने (Amit Mishra) देखील आपलं मत या ट्वीटवर दिलं आहे. तर नेमके हे ट्वीट्स काय आहेत पाहूया...


सर्वात आधी इरफानने (Irfan Pathan Tweet) आज पहाटे 5 वाजण्याच्या सुमारास भारताबद्दल एक ट्वीट केलं. त्याने यावेळी लिहिलं की, 'माझा देश, माझा सुंदर देश, पृथ्वीवरील सर्वात महान देश होण्याची क्षमता ठेवतो. पण……' इरफानच्या या ट्वीटमधून त्याने देशातील एकंदरीत परिस्थितीबाबत सूचक वक्तव्य केलं होतं. 


 


इरफानच्या या ट्वीटवर अनेक नेटकऱ्यांनी आपआपली मतं दिली. अमित मिश्रानेही यावर त्याची प्रतिक्रिया देत या प्रश्नार्थक ट्वीटचं जणू उत्तर दिलं. त्याने लिहिलं की, 'माझा देश, माझा सुंदर देश, पृथ्वीवरील सर्वात महान देश होण्याची क्षमता आहे... हे तेव्हाच होईल जेव्हा देशातील प्रत्येकाला आपलं संविधान महत्त्वाचं असून त्याचं पालन केलं जाणं अधिक महत्त्वाचं आहे.' दरम्यान या दोघांच्या या ट्वीट्सवर इतरही नेटकरी रिप्लाय देत असल्याचं दिसून येत आहे.



हे देखील वाचा-