Celebrity Cricket League Match Turns Into Ugly Fight : क्रिकेटला सभ्य लोकांचा खेळ (जजंटलमन्स गेम) म्हणतात.. क्रिकेटच्या खेळामध्ये पंचांचा निर्णय अंतिम मानला जातो... पंचांनी दिलेला निर्णय चुकीचा अथवा बरोबर असो,तो अंतिम मानला जातो. अनेकदा मैदानावर खेळांडूमध्ये बाचाबाची होते. पण हाणामारी झाल्याचा प्रकार क्वचितच पाहायला मिळातो. सध्या बांगलादेशमधील एक व्हिडीओ तुफान व्हायरल होतोय, तामध्ये खेळाडूंमध्ये हाणामारी झाल्याचे दिसतेय. हा व्हिडीओ सेलिब्रिटी क्रिकेट लीगच्या एका सामन्यादरम्यानचा आहे. पंचांच्या एका निर्णायानंतर दोन्ही संघातील खेळाडू भिडले. त्यांच्यामध्ये खेळाडूंमध्ये अक्षरशः बॅटने भांडणे अन् हाणामारी झाली. यामध्ये सहा जण गंभीर जखमी झाले आहेत. त्यांना उपचारासाठी रुग्णालयात दाखल करण्यात आलेय. या घटनेचा व्हिडीओ सोशल मीडियावर व्हायरल होतोय.
बांगलादेशमध्ये सध्या सेलिब्रिटी क्रिकेट लीग स्पर्धा सुरु आहे. या स्पर्धेतील साखळी सामन्यादरम्यान चित्रपट निर्माता मुस्तफा कमाल राज आणि दीपांकर दीपोन यांच्यादरम्यान पंचांच्या निर्मावर बाचाबाची झाली. या वादाचे रुपांतर भांडणामध्ये झाले. दोघांमध्ये हाणामारी सुरु झाली. त्यानंर इतर खेळाडूंनीही त्यामध्ये उडी घेतली. काही खेळाडूंना एकमेकांच्या कानशिलात लगावल्याचे सांगितले जात आहेत. वाद एवढ्यावर न थांबता दोन्ही संघांमध्ये बॅट आणि स्टंप्सने मारामारी झाली. यात दोन्ही संघांच्या सहा ते सात खेळाडूंना दुखापती झाल्या. त्यांना उपचारासाठी रुग्णालयात दाखल करावे लागले. या घटनेचा व्हिडीओ सोशल मीडियावर व्हायरल झालाय. दरम्यान, शिशीर सरदार, राज रिपा, जॉय चौधरी, अतिक रहमान, शेख शुभो आणि अशिक जाहिद अशी जखमिंची नावे सांगितली गेली आहेत.
हा सामना खेळणारी राज रिपा हिने सोशल मीडियावर पोस्ट करत याबाबत मत व्यक्त केले. ती म्हणाली की, सामन्यादरम्यान काय झालं, ते सर्वांनीच पाहिले. चेंडू सीमारेषाबाहेर गेला होता, चार धावा मिळायला हव्या होत्या. पण मॅनेजमेंटने याला नकार दिला. राज रिपाने असाही आरोप केला की, कमाल राजच्या संघातील खेळाडूंनी दारुच्या नशेत अंगावर पाण्याची बॉटल फेकून मारल्या.