Rishabh Pant and Urvashi Viral Video : अभिनेत्री उर्वशी रौतेला (Urvashi Rautela) सिनेमांमध्ये अधिक दिसत नसली तरी सोशल मीडियावर तिची जोरदार चर्चा असते. त्याचं मुख्य कारण म्हणजे क्रिकेटर ऋषभ पंत (Rishabh Pant). पंत आणि उर्वशीमध्ये अफेअर असल्याच्या किंवा काहीतरी नातं असल्याच्या अनेक अफवा येत होत्या, त्यात एकदा पंतनं आपल्या स्टोरीतून उर्वशीला रिप्लाय दिला, त्यावर तिनंही पुन्हा रिप्लाय दिला. ज्यानंतर दोघांमध्ये आणखी वाद वाढतो की काय? असं वाटत होतं, पण आता उर्वशीने एका व्हिडीओमध्ये या सर्व चर्चांवर सॉरी म्हटलं आहे. उर्वशीचा हा व्हिडीओ सोशल मीडियावर व्हायरल होत आहे. या व्हिडीओवर नेटकरीही अनेक कमेंट्स करत असून शेअरही करत आहेत.
पाहा VIDEO -
नसीम म्हणाला कोण उर्वशी?
ऋषभ पंतसोबतच पाकिस्तानचा युवा वेगवान गोलंदाज नसीम शाहबरोबर (Naseem Shah) देखील उर्वशीच्या नात्याची चर्चा रंगत होती. उर्वशीने आशिया कप 2022 (Asia Cup 2022) मधील भारत-पाकिस्तान सामन्याला हजेरी लावल्यानंतर तिच्या आणि नसीमच्या अफेअरच्या चर्चा रंगू लागल्या होत्या. सोशल मीडियावर विविध मीम्स व्हायरल होऊ लागले. या सर्वानंतर नसीमला याबाबत विचारणा केली असता त्याने स्पष्ट उत्तर देत या सर्व चर्चांना फुलस्टॉप लावला. नसीम शाहने उर्वशीसोबतच्या नात्यावर वक्तव्य करताना म्हटलेकी, 'कोण आहे उर्वशी, काय आहे, लोक असे व्हिडिओ का बनवतात, मला कळत नाही. माझ्यासाठी सध्या अशी कोणतीही गोष्ट महत्त्वाची नाही. सध्या माझे लक्ष फक्त क्रिकेटवर आहे आणि मला क्रिकेट खेळायचे आहे.' दरम्यान नसीमच्या स्पष्ट उत्तरासोबतच आता उर्वशीनेही माफी मागितल्यामुळे या सर्व चर्चा तूर्तास तरी थांबल्या आहेत.
हे देखील वाचा-