IND vs PAK Asia Cup 2022: आशिया चषक सुरू होण्यापूर्वी सर्वच संघ सराव सत्रात घाम गाळत आहेत. दरम्यान, अनेक चाहते आपपल्या आवडत्या खेळाडूला भेटण्यासाठी तसेत त्याचा ऑटोग्राफ घेण्यासाठी धडपड करताना दिसत आहे. भारतीय संघ यूएईमध्ये दाखल झाल्यापासून भारतीय क्रिकेटपटू आणि त्यांच्या चाहत्यांचे व्हिडिओ सोशल मीडियावर व्हायरल झाले आहेत. यातच भारताचा कर्णधार रोहित शर्मा (Rohit Sharma) आणि त्याच्या पाकिस्तानी चाहत्याचा व्हिडिओ समोर आलाय. या व्हिडिओत रोहित शर्मा चाहत्याला अनोख्या पद्धतीनं मिठी मारताना दिसत आहे.
व्हायरल झालेल्या व्हिडिओमध्ये काही पाकिस्तानी चाहते लोखंडी जाळीच्या पलीकडे रोहित शर्माची वाट पाहत असल्याचं दिसत आहेत. रोहित त्याच्याकडे पोहोचताच चाहत्यांच्या आनंद गगणाना भिडला. यावेळी अनेक चाहत्यांनी त्याच्यासोबत सेल्फी काढले. तर, एका चाहत्यानं त्याला मिठी मारण्याची विनंती केली. रोहितनं उत्तर दिले की लोखंडी जाळीमुळं हे करणे कठीण आहे. परंतु, चाहत्यांची धडपड पाहून रोहित शर्माननं लोखंडी जाळीतूनच त्याला मिठी मारली. रोहित शर्माचा हा व्हिडिओ सोशल मीडियावर प्रचंड व्हायरल होताना दिसत आहे. तसेच या व्हिडिओला मोठी पसंती दर्शवली जात आहे.
रोहित शर्माचा व्हायरल व्हिडिओ-
विराटचा पाकिस्तानी चाहता
भारताचा माजी कर्णधार विराट कोहलीसोबतही बुधवारी अशीच एक घटना घडली. आशिया चषकासाठी यूएईत दाखल झालेल्या भारतीय संघ सराव करून हॉटेलच्या दिशेनं जात असताना एका चाहत्यानं विराटसोबत सेल्फी घेण्याचा प्रयत्न केला. परंतु, सुरक्षा कर्मचाऱ्यांनी त्याला अडवलं. त्यावेळी या चाहत्यानं विराट कोहलीसोबत सेल्फी घेण्यासाठी पाकिस्तानहून आलो आहे, असं ओरडायला सुरुवात केलीय. हे ऐकताच विराट कोहलीनं त्याला सेल्फी घेण्यासाठी बोलावून घेतलं. विराट सोबतचा हा क्षण तो कधीच विसरणार नाही, असंही तो म्हणालाय.
पाकिस्तानी प्रेक्षकांचं भारतीय क्रिकेटपटूंसाठी प्रेम
राजकीय मुद्द्यांमुळे भारत आणि पाकिस्तानमध्ये अनेक वर्षांपासून द्विपक्षीय मालिका खेळली जात नाही. हे दोन्ही संघ आंतरराष्ट्रीय स्पर्धांमध्ये एकमेकांविरुद्ध खेळताना दिसतात. परंतु असं असूनही भारतीय खेळाडूंच्या पाकिस्तानी चाहत्यांमध्ये कोणतीही कमतरतात जाणवली नाही.
हे देखील वाचा-