Asia Cup 2022 : भारत आणि हाँगकाँग(India vs Hong Kong) या आज पार पडणाऱ्या आशिया कपमधील (Asia Cup 2022) सामन्यात भारतीय संघ विजय मिळवण्यासाठी सज्ज झाला आहे. पाकिस्तानला (IND vs PAK) मात दिल्यामुळे भारताचा कॉन्फिडन्स आणखी वाढला आहे. त्यात आजचा सामनाही पहिला सामना झालेल्या दुबई आंतरराष्ट्रीय मैदानातच (Dubai International Stadium) होणार असल्याने भारतीय संघाचा सराव चांगला झाल्याने भारत आजही विजय मिळवण्यासाठी सज्ज झाला आहे. तर या सामन्यात मैदानाची स्थिती तसंच सामना होणाऱ्या ठिकाणचं हवामान कसं असेल, ते पाहूया...
भारत विरुद्ध हाँगकाँग Head To head
भारत आणि हाँगकाँग (India vs Hong Kong) हे संघ अधिक वेळा आमने-सामने आलेली नाहीत. हाँगकाँगचा संघ आंतरराष्ट्रीय पातळीवर अधिक नावारुपाला आला नसल्याने इतर स्पर्धांत त्याला स्थान मिळत नाही. पण आशिया कपमध्ये हाँगकाँगने 2018 आणि त्यानंतर यंदाही प्रवेश मिळवला आहे. त्यामुळे आतापर्यंतच्या इतिहासाचा विचार करता भारत आणि हाँगकाँग केवळ दोन एकदिवसीय सामन्यात आमने-सामने आले आहेत. हे दोन्ही सामने भारताने जिंकल्यांचंही दिसून आलं आहे.
हवामानाची स्थिती कशी?
सामना होणाऱ्या मैदानातील हवामानाबद्दलच्या समोर येणाऱ्या माहितीनुसार दुबई आंतरराष्ट्रीय मैदानातील वातावरण साफ असणार आहे. दुबईत उष्ण वातावरण असल्याने याठिकाणीही ही उष्णता दिसून येईल. ज्यामुळे वातावरण 35 अंश सेल्सियस असणार आहे. तर वातावरणात 45 टक्के इतकी आर्द्रता असणार आहे. वारा देखील 16 km/hr च्या वेगाने वाहताना दिसेल.
कसे असू शकतात दोन्ही संघ?
संभाव्य भारतीय 11
रोहित शर्मा (कर्णधार), केएल राहुल, विराट कोहली, सूर्यकुमार यादव, ऋषभ पंत (यष्टीरक्षक), हार्दिक पांड्या, रवींद्र जाडेजा, रवीचंद्रन आश्विन, युजवेंद्र चहल, भुवनेश्वर कुमार, अर्शदीप सिंह.
संभाव्य हाँगकाँग 11
यासीम मुर्तझा, निझाकत खान (कर्णधार), बाबर हयात, किंचित शाह, एजाझ खान, स्कॉट मॅकेचनी (यष्टीरक्षक), झीशान अली, हारून अर्शद, एहसान खान, मोहम्मद गझनफर, आयुष शुक्ला
हे देखील वाचा-