PHOTO : दिलीप वेंगसरकर आणि एडी सिक्वेरा यांच्या उपस्थितीत क्रीडा पत्रकारिता गाजवणाऱ्या दिग्गजांचा गौरव

स्पोर्टस जर्नालिस्टस असोसिएशन ऑफ मुंबईच्या वतीनं क्रीडा पत्रकारितेतल्या प्रदीर्घ योगदानासाठी ज्येष्ठ क्रीडा पत्रकार आणि ज्येष्ठ छायाचित्रकारांचा नुकताच गौरव करण्यात आला.

भारताचे माजी कर्णधार दिलीप वेंगसरकर आणि माजी आंतरराष्ट्रीय धावपटू एडी सिक्वेरा यांच्या उपस्थितीत हा सोहळा संपन्न झाला.

या कार्यक्रमात 18 ज्येष्ठ क्रीडा पत्रकार आणि ज्येष्ठ छायाचित्रकारांना सन्मानित करण्यात आलं.

त्यामध्ये द्वारकानाथ संझगिरी, प्रभाकर शिरोडकर, विनायक दळवी, सुहास जोशी, शरद कद्रेकर, मकरंद वायंगणकर आणि सतीश मिश्रा यांचा समावेश आहे.

स्पोर्टस जर्नालिस्टस असोसिएशन ऑफ मुंबईनं 19 वर्षांखालील एका उदयोन्मुख क्रिकेटरला वार्षिक शिष्यवृत्ती सुरु करावी यासाठी दिलीप वेंगसरकर यांनी वार्षिक 25 हजार रुपये देणगीची घोषणा केली.