Shubhman Gill : शुभमनच्या हरलीनला टिप्स, गुजरातकडून विशेष पोस्ट, चाहत्यांच्या कनेक्शन शोधत भन्नाट प्रतिक्रिया

गुजरात टायटन्स आणि रॉयल चॅलेंजर्स बंगळुरु आज आयपीएलमधील 52 वी मॅच होणार आहे. ही मॅच बंगळुरुच्या एम चिन्नास्वामी स्टेडियमवर होत आहे. गुजरात आणि बंगळुरु यंदाच्या आयपीएलमधील अकरावी मॅच खेळणार आहेत. या मॅचपूर्वी शुभमन गिलनं भारतीय महिला क्रिकेट टीमची खेळाडू हरलीन देओला बॅटिंग टिप्स दिल्या.

शुभमन गिलनं हरलीन देओलला बॅटिंगच्या टिप्स दिल्याचा व्हिडीओ गुजरात टायटन्सनं पोस्ट केला आहे.हरलीन देओल भारतासाठी 10 वनडे आणि 24 टी-20 आंतरराष्ट्रीय सामने खेळले आहेत. हरलीन देओलनं 2019 मध्ये पदार्पण केले आहे.

शुभमन गिल आणि हरलीन देओलच्या व्हिडीओवर चाहत्यांच्या प्रतिक्रिया येत आहेत. भारताच्या पुरुष आणि महिला क्रिकेट संघाचं भविष्य एकत्र पाहायला मिळत आहे, असं म्हटलं. तर, एका चाहत्यानं दोघेही पंजाबचे असून गुजरात साठी खेळतात असं म्हटलं.

शुभमन गिल आयपीएलमध्ये गुजरात टायटन्स संघाचा कॅप्टन आहे. तर, हरलीन देओल महिला प्रीमियर लीगमध्ये गुजरात जाएंटसकडून खेळते.

हरलीन देओल सध्या संघाबाहेर असून तिनं अखेरचा भारतासाठीचा सामना डिसेंबर 2023 मध्ये खेळला होता. भारताचा महिला क्रिकेट संघ सध्या बांगलादेशच्या दौऱ्यावर असून त्यांनी पाच सामन्यांच्या टी-20 मालिकेत 3-0 अशी विजयी आघाडी घेतलीय.