PBKS vs RR, IPL 2023 : रोमांचक सामन्यात राजस्थानची पंजाबवर मात, यशस्वी आणि पडिक्कलचं अर्धशतक

आयपीएलच्या (IPL 2023) सोळाव्या हंगामातील 66 व्या सामन्यात राजस्थान रॉयल्सने (Rajasthan Royals) पंजाब किंग्सचा (Punjab Kings) चार विकेट्सने पराभव केला. यासोबतच राजस्थानची प्लेऑफमध्ये पोहोचण्याची आशा कायम आहे.

राजस्थानचा कर्णधार संजू सॅमसनने नाणेफेक जिंकून पहिल्यांदा गोलंदाजीचा निर्णय घेतला. पंजाब संघाने 20 षटकांत पाच गडी बाद 187 धावा केल्या. त्यानंतर राजस्थान संघाने दोन चेंडू शिल्लक ठेवून हा सामना जिंकला.

राजस्थानकडून यशस्वी जयस्वाल आणि दविदत्त पडिक्कल यांनी अर्धशतकी खेळी केली. त्यासोबतच हिटमायरने 46 धावांची चमकदार खेळी केली आणि संघाच्या विजयात मोलाचा वाटा उचलला.

यशस्वी आणि पडिक्कलच्या अर्धशतकी खेळीच्या जोरावर राजस्थानं पंजाबचा पराभव केला.

इंडियन प्रीमियर लीग 2023 मध्ये सामन्यात पंजाब किंग्सला राजस्थान रॉयल्सकडून पराभवाचा सामना करावा लागला. पंजाबला राजस्थान रॉयल्सने चार गडी राखून पराभूत केलं.

धर्मशाला येथील हिमाचल प्रदेश क्रिकेट असोसिएशन स्टेडियमवर हा रोमांचक सामना पार पडला. पंजाबने 20 षटकांत 5 बाद 187 धावा केल्या. प्रत्युत्तरात राजस्थानने 19.4 षटकांत 6 बाद 189 धावा केल्या.

राजस्थान रॉयल्सने त्यांच्या शेवटच्या साखळी सामन्यात पंजाब किंग्सचा पराभव केला. या विजयासह राजस्थानच्या प्लेऑफमध्ये पोहोचण्याच्या आशा कायम आहेत. त्याचवेळी पंजाब किंग्सच्या पदरी मात्र निराशा आली.

या पराभनानंतर पंजाब किंग्स संघ प्लेऑफच्या शर्यतीतून बाहेर पडला आहे.

राजस्थानला विजयासाठी शेवटच्या षटकात नऊ धावांची गरज होती. ध्रुव जुरेल आणि ट्रेंट बोल्ट यांनी पहिल्या तीन चेंडूत चार धावा केल्या. यानंतर जुरेलने चौथ्या चेंडूवर षटकार ठोकून संघाला सामना जिंकून दिला.

पहिल्यांदा फलंदाजी करताना पंजाब किंग्स संघाची सुरुवात खराब झाली. पंजाब संघाने पाच गडी गमावून 187 धावांचा पल्ला गाठला.