PBKS vs CSK : चुरशीच्या सामन्यात पंजाबचा चेन्नईवर विजय, हे आहेत सामन्यातील महत्त्वाचे मुद्दे

आयपीएलच्या आजच्या सामन्यात एक रोमहर्षक लढत पंजाब किंग्स विरुद्ध चेन्नई सुपरकिंग्स (PBKS vs CSK) संघात पाहायला मिळाली.

पंजाबने चेन्नईवर 11 धावांनी विजय मिळवला खरा पण सामना अखेरच्या षटकापर्यंत चुरशीचा झाला.

आजकाल नाणेफेक जिंकणारा संघ सामनाही जिंकतो असंच समीकरण झालं आहे.पण आज मात्र नाणेफेक जिंकूनही चेन्नईचा संघ सामना जिंकू शकला नाही. त्यांना 11 धावांनी सामना गमवावा लागला.

सामन्याचा विचार केल्यास शिखर धवनने केलेल्या 88 धावांच्या जोरावरच पंजाबने चेन्नईसमोर 188 धावांचे लक्ष्य ठेवले.

शिखरने भानुका राजपक्षासोबत एक मोठी आणि भक्कम भागिदारी रचली. पण भानुका 42 धावा करुन बाद झाला.

शिखरने अखेरपर्यंत झुंज देत 59 चेंडूत नऊ चौकार आणि दोन षटकार ठोकत नाबाद 88 धावा केल्या.

188 धावांच्या लक्ष्याचा पाठलाग करण्यासाठी मैदानात आलेल्या चेन्नई संघाचे फलंदाज सुरुवातीपासून चांगल्या फॉर्ममध्ये नव्हते. पण ऋतुराजने बराच काळ क्रिजवर टिकून राहून संघाला सावरलं, अखेर तो 30 धावा करुन बाद झाला. 

त्यानंतर क्रिजवर आलेल्या अंबाती रायडूने एका दमदार खेळीचं दर्शन घडवलं. त्याने 39 चेंडूत 7 चौकार आणि 6 षटकार ठोक 78 धावा केल्या.

पण रबाडाने रायडूचा महत्त्वपूर्ण विकेट घेत सामन्याची दिशा बदलली. त्यामुळे रबाडा गेमचेंजर ठरला.

अखेरच्या षटकापर्यंत गेलेल्या सामन्यात धोनीने एक चौकार आणि षटकार ठोकला खरा पण अखेरच्या षटकाच्या तिसऱ्या चेंडूवर धोनी बाद होताच, सामना चेन्नईकडून पंजाबच्या दिशेने झुकला.