WTC च्या फायनलसाठी टीम इंडियाचा दावा मजबूत; पहिलं स्थान कायम, पुन्हा ऑस्ट्रेलिया नशिबी येणार?

WTC 2023-2025: भारताच्या विजयाचा आणि बांगलादेशच्या पराभवाचा फायदा श्रीलंका आणि इंग्लंडला झाला आहे.

WTC 2023-25 Points Table

ICC वर्ल्ड टेस्ट चॅम्पियनशिप 2023-25 ​​अंतर्गत खेळल्या जात असलेल्या दोन सामन्यांच्या कसोटी मालिकेतील पहिल्या सामन्यात भारताने बांगलादेशचा पराभव केला.

चेन्नई कसोटी सामन्यात भारताने बांगलादेशचा 280 धावांनी पराभव करत मालिकेत 1-0 ने आघाडी मिळवली आहे.

टीम इंडिया आधीच जागतिक कसोटी चॅम्पियनशिपच्या गुणतालिकेत अव्वल स्थानावर होती आणि आता या विजयासह संघाने भक्कम आघाडी घेतली आहे.

या सामन्यापूर्वी भारतीय संघ 68.52 टक्के गुणांसह पहिल्या क्रमांकावर होता आणि अजूनही पहिल्या क्रमांकावर आहे, मात्र भारताची टक्केवारी आता 71.67 झाली आहे.

ऑस्ट्रेलियाचा संघ 62.50 टक्क्यांसह दुसऱ्या स्थानावर आहे.

न्यूझीलंडचा संघ 50 टक्क्यांसह तिसऱ्या क्रमांकावर आहे.

भारताच्या विजयाचा आणि बांगलादेशच्या पराभवाचा फायदा श्रीलंका आणि इंग्लंडला झाला आहे.

श्रीलंकेचा संघ 42.86 टक्क्यांसह चौथ्या स्थानावर पोहोचला आहे.

इंग्लंडचा संघ पाचव्या स्थानावर असून त्यांच्या खात्यात 42.19 टक्के आहे.

बांगलादेशचा संघ या सामन्यापूर्वी 45.83 टक्केवारीसह चौथ्या स्थानावर होता, पण आता 39.28 टक्के गुणांसह सहाव्या स्थानावर पोहोचला आहे.

सातव्या क्रमांकावर दक्षिण आफ्रिका (38.89), आठव्या क्रमांकावर पाकिस्तान (19.05) आणि शेवटच्या म्हणजे नवव्या क्रमांकावर वेस्ट इंडिज (18.52) आहे.