Virat Kohli : विराट टीकेचा धनी होणार होता, गोलंदाजांनी कोहलीला वाचवलं, तो POTM चा दावेदार नव्हता,माजी खेळाडूचा सनसनाटी दावा

भारतानं दक्षिण आफ्रिकेला 7 धावांनी पराभूत करत टी 20 वर्ल्ड कप जिंकला. भारतानं दक्षिण आफ्रिकेला शेवटच्या पाच ओव्हरमध्ये बॅकफूटवर ढकलत विजय मिळवला.

भारतीय संघाचा जर पराभव झाला असता तर व्हिलन कोण ठरलं असतं असं विचारलं असता ते नाव विराट कोहली, दुसऱ्या स्थानावर अक्षर पटेल आणि तिसऱ्या स्थानावर रोहित शर्माचं असतं.

दक्षिण आफ्रिकेला 30 बॉलमध्ये धावा हव्या होत्या. भारताच्या गोलंदाजांनी कमाल करत विजय मिळवला. अर्शदीप सिंग, जसप्रीत बुमराह आणि हार्दिक पांड्यानं विजय आफ्रिकेच्या हातून खेचून आणला.

माजी खेळाडू संजय मांजरेकर यांनी प्लेअर ऑफ द मॅच पुरस्कार विराटला मिळाला पण त्याचा दावेदार नव्हता, असं म्हटलं.

संजय मांजरेकर म्हणाले गोलंदाजांनी विराट कोहलीला वाचवलं. मॅचचे खरे हिरो अर्शदीप सिंग, जसप्रीत बुमराह आणि हार्दिक पांड्या होत्या. विराट कोहलीला प्लेअर ऑफ द मॅच पुरस्कार मिळाल्यानं आश्चर्य वाटल्याचं ते म्हणाले.