IND vs ENG : इंग्लंडला मात देण्यासाठी Team India पोहोचली इंग्लंडला; BCCI नं शेअर केले फोटो

इंग्लंडला त्यांच्याच मातीत मात देण्यासाठी भारतीय क्रिकेट संघ इंग्लंडमध्ये दाखल झाला आहे. (P.C. BCCI)

भारतीय संघ इंग्लंडमध्ये दाखल झाल्यानंतर भारतीय नियामक मंडळानं म्हणजेच बीसीसीआयनं खेळाडूंचे फोटो शेअर केले आहेत.(P.C. BCCI)

या फोटोंमध्ये विराट कोहली, जसप्रीत बुमराह, आर. अश्विन, रवींद्र जाडेजा. मोहम्मद शामी, मोहम्मद सिराज, शार्दुल ठाकूर, प्रसिद्ध कृष्णा, चेतेश्वर पुजारा, हनुमा विहारी आणि केएस भारत दिसत आहेत.

पण संघाचा कर्णधार रोहित शर्मा मात्र कुठेच दिसत नाही.

दरम्यान रोहित कोच राहुल द्रविड आणि इतर काही खेळाडूंसोबत नंतर इंग्लंडला रवाना होईल अशी माहितीही समोर आली आहे.

रोहित शर्मा दिसत नसल्यानं त्याचे चाहते सोशल मीडियावर बीसीसीआयला टॅग करून अनेक प्रश्न विचारत आहेत. 

सध्या ऋषभ पंतच्या नेतृत्त्वाखाली टीम इंडिया दक्षिण आफ्रिकेविरुद्ध टी20 मालिका खेळत आहेत.

दुखापतीमुळे केएल राहुल या मालिकेला मुकणार आहे.

कर्णधार म्हणून रोहित शर्माच संघाचं नेतृत्त्व करेल.

यावेळी संघ एका कसोटी सामन्यासह तीन टी20 आणि तीन एकदिवसीय सामने खेळेल.