Rohit Sharma : भारतानं केलेला पराभव जिव्हारी, क्रिकेट ऑस्ट्रेलियानं टीम ऑफ द टूर्नामेंट निवडली पण रोहित शर्मावर अन्याय

T20 World Cup 2024 : ऑस्ट्रेलियन क्रिकेट बोर्डानं टी 20 वर्ल्ड कपच्या टीम ऑफ द टूर्नामेंटची घोषणा केली आहे. यामध्ये रोहित शर्मासह तीन खेळाडूंना संघात स्थान दिलं आहे.

ऑस्ट्रेलियाचं क्रिकेट बोर्ड म्हणजेच क्रिकेट ऑस्ट्रेलियानं वेस्ट इंडिज आणि अमेरिकेत सुरु असलेल्या टी 20 वर्ल्ड कपच्या टीम ऑफ द टूर्नामेंटची घोषणा केली आहे. क्रिकेट ऑस्ट्रेलियानं तीन भारतीय खेळाडूंना स्थान दिलं आहे.

रोहित शर्मा, हार्दिक पांड्या आणि जसप्रीत बुमराह या तिघांना क्रिकेट ऑस्ट्रेलियाच्या टीम ऑफ द टुर्नामेंटमध्ये स्थान देण्यात आलंय. मात्र, सुपर 8 मध्ये भारताकडून झालेला पराभव ऑस्ट्रेलियाला विसरता आलेला नाही.

क्रिकेट ऑस्ट्रेलियानं जी टीम ऑफ द टूर्नामेंट निवडलीय त्याचं कॅप्टनपद रोहित शर्माला देण्यात आलेलं नसून ते चक्क राशिद खानला देण्यात आलंय.

क्रिकेट ऑस्ट्रेलियाची टीम ऑफ द टूर्नामेंट : ट्रेविस हेड, रोहित शर्मा, निकोलस पूरन, एरोन जॉन्स, मार्कस स्टोईनिस, हार्दिक पांड्या, राशिद खान (कॅप्टन), रिशाद हुसैन, फजलहक फारुकी, जसप्रीत बुमराह आणि एनरिक नॉर्खिया