T20 World Cup 2022: मोहम्मद शामीसह भारताचे 'हे' तीन स्टार खेळाडू आंतरराष्ट्रीय क्रिकेटला करणार अलविदा?

भारतीय संघाचा नियमित कर्णधार रोहित शर्मा सध्या 35 वर्षांचा आहे. त्याचं वय लक्षात घेता तो आगामी टी-20 विश्वचषकानंतर क्रिकेटमधून निवृत्ती घेण्याची शक्यता आहे.

अलीकडच्या काळात रोहित शर्माच्या फिटनेसची नेहमीच समस्या राहिली आहे. रोहित शर्मानं भारतीय संघासाठी आतापर्यंत 142 टी-20 आंतरराष्ट्रीय सामने खेळले आहेत. ज्यामध्ये त्यानं 3 हजार 737 धावा केल्या आहेत.

आशिया चषक 2022 नंतर भारताचा माजी कर्णधार विराट कोहली पुन्हा फॉर्ममध्ये परतलाय. आशिया चषकात अफगाणिस्तानविरुद्ध त्याच्या कारकिर्दीतील 71वं आंतरराष्ट्रीय शतक झळकावलं. विराट कोहलीची टी-20 आंतरराष्ट्रीय सामन्यांमध्ये सरासरी 50 पेक्षा जास्त आहे.

विराट कोहली 35 वर्षांचा झाला आहे. मात्र, त्याचा फिटनेस चांगला आहे. पण तरीही तो 2022 च्या टी-20 विश्वचषकानंतर टी-20 क्रिकेटला अलविदा करू शकतो, अशी अटकळ बांधली जात आहे. विराट कोहलीला 2014 आणि 2016 मध्ये 'प्लेअर ऑफ द टूर्नामेंट' म्हणून गौरविण्यात आलं आहे.

भारताचा स्टार गोलंदाज मोहम्मद शमी सध्या राखीव खेळाडू म्हणून टी-20 विश्वचषकासाठी ऑस्ट्रेलियाला रवाना झालाय. दरम्यान, 32 वर्षीय मोहम्मद शामी गेल्या अनेक महिन्यांपासून भारताच्या टी-20 संघाचा भाग नाही.

अशा परिस्थितीत तो 2022 च्या टी-20 विश्वचषकानंतर आंतराष्ट्रीय क्रिकेटला अलविदा म्हणू शकतो, असा अंदाज वर्तवला जात आहे. यावेळी दुखापतग्रस्त जसप्रीत बुमराहच्या जागी त्याचा संघात समावेश केला जाऊ शकतो, हे लक्षात घेण्यासारखे आहे.

टी-20 विश्वचषकापूर्वी भारतीय संघानं वेस्टर्न ऑस्ट्रेलियाविरुद्ध दोन सराव सामनेही खेळले आहेत. यातील एक सामना भारतानं जिंकलाय. तर, दुसऱ्या सामन्यात पराभव स्वीकारलाय. दरम्यान, आगामी टी-20 विश्वचषकानंतर मोहम्मद शामीनं भारतीय संघाचे तीन स्टार क्रिकेटपटू आंतरराष्ट्रीय क्रिकेटला अलविदा करण्याची शक्यता आहे.