टीम इंडिया विमानतळापासून हॉटेलमध्ये पोहचेपर्यंत...काय काय घडलं?; पाहा A टू Z माहिती

टी-20 विश्वचषक 2024 ची स्पर्धा जिंकून भारतीय क्रिकेट संघ आज मायदेशी परतला.

रोहित शर्मा, विराट कोहली, ऋषभ पंत, जसप्रीत बुमराहसह सर्व खेळाडू सकाळी 6 वाजता दिल्ली विमानतळावर दाखल झाले.

दिल्ली विमानतळावर दाखल होताच सर्व खेळाडू खूप उत्साहित होते. सर्व खेळाडूंच्या गळ्यात विजयी मेडल पाहायला मिळाले.

टीम इंडियाला घेण्यासाठी विमानतळावर दोन बस दाखल झाल्या होत्या.

दिल्ली विमानतळाबाहेर यावेळी मोठा पोलीस बंदोबस्त पाहायला मिळाला.

जसप्रीत बुमराहचे चाहत्यांनी स्वागत केले.

विमानतळाबाहेर उपस्थित असणाऱ्या चाहत्यांचे विराट कोहलीने हात दाखवत आभार मानले.

यावेळी कोहली-कोहली अशा घोषणा चाहत्यांकडून देण्यात आल्या.

सूर्यकुमार यादवचे देखील चाहत्यांनी जोरदार स्वागत केले.

सूर्यकुमार यादवने देखील चाहत्यांचे यावेळी आभार मानले.

कर्णधार रोहित शर्मा विमानतळाबाहेर येताच विश्वचषक ट्रॉफी उंचावताना दिसला.

ट्रॉफी उंचावत रोहित शर्माने चाहत्यांचे आभार मानले.

रोहत शर्मा बाहेर येताच रोहित-रोहित अशा घोषणा चाहते देताना दिसले.

टीम इंडियाच्या सर्वच खेळाडूंचं मोठ्या उत्साहात स्वागत करण्यात आले.

यानंतर विमानतळाहून दिल्लीतील हॉटेलला जाण्यासाठी टीम इंडियाची बस रवाना झाली.

आज टीम इंडिया पंतप्रधान नरेंद्र मोदी यांची भेट घेणार आहे.

यानंतर टीम इंडिया दुसऱ्या चार्टर्ड फ्लाइटने मुंबईला रवाना होईल.

मुंबईत संध्याकाळी 5 च्या सुमारास विश्वविजेत्यांचा शानदार रोड शो होईल.

भारतीय क्रिकेटमध्ये मुंबईतील वानखेडे स्टेडियमचे विशेष स्थान आहे. याच स्टेडियमवर भारताने 2011 सालचा एकदिवसीय सामन्यांचा विश्वचषक उंचावला होता.

आता, याच स्टेडियमवर गुरुवारी भारताच्या टी-२० विश्वविजेत्या संघाचाही सन्मान होणार आहे.