IND vs BAN: भारत बांगलादेश आमने सामने येणार, टी 20 मालिकेत यंग ब्रिगेड भिडणार,लाईव्ह मॅच मोफत कुठं पाहणार?

भारतानं बांगलादेशला दोन सामन्यांच्या कसोटी मालिकेत 2-0 असं पराभूत केलं. यानंतर सूर्यकुमार यादवच्या नेतृत्त्वातील टीम इंडिया आणि बांगलादेश यांच्यात टी 20 मालिका सुरु होणार आहे.

भारत आणि बांगलादेश यांच्यातील पहिली टी 20 मॅच उद्या 6 ऑक्टोबरला ग्वाल्हेरला होणार आहे. या मैदानावर तब्बल 14 वर्षानंतर मॅच होणार आहे.

भारत आणि बागंलादेश यांच्यातील पहिली मॅच ग्वाल्हेरच्या न्यू माधवराव सिंधिया क्रिकेट स्टेडियममध्ये होणार आहे. यानंतर पुढचे सामने दिल्ली आणि हैदराबादमध्ये होणार आहेत.

भारताचा कॅप्टन सूर्यकुमार यादव असेल तर बांगलादेशचा कॅप्टन नजमूल हुसेन शान्टो आहे. भारत आणि बांगलादेश यांच्यात पहिली मॅच 6 ऑक्टोबर, दुसरी मॅच 9 ऑक्टोबर तर तिसरी मॅच 12 ऑक्टोबरला होणार आहे.

भारत आणि बांगलादेश यांच्यातील टी 20 मालिका स्पोर्टस 18 च्या विविध वाहिन्यांवर होईल. तर, जिओ सिनेमावर मोफत पाहता येईल.

भारतानं टी 20 वर्ल्ड कप जिंकल्यानंतर सूर्यकुमार यादवची कर्णधारपदी नियुक्ती करण्यात आली आहे. शुभमन गिलच्या नेतृत्त्वात भारतानं झिम्बॉब्वेला पराभूत केलं. त्यानंतर सूर्यकुमार यादवच्या नेतृत्त्वात भारतानं श्रीलंकेला पराभूत केलं. सूर्यकुमार यादवच्या नेतृत्त्वात ही दुसरी मालिका आहे.