In Pics : ऑस्ट्रेलियात साजरा झाला हार्दिकचा वाढदिवस, बीसीसीआयनं पोस्ट केले फोटो
भारताचा स्टार ऑलराऊंडर हार्दिक पांड्या याचा आज वाढदिवस आहे. तो सध्या संघासोबत ऑस्ट्रेलिया येथे असून तिथेच त्याने वाढदिवस साजरा केला.
Download ABP Live App and Watch All Latest Videos
View In Appयावेळी पांड्याने केक कट केला. बीसीसीआयनं केट कट करतानाचे खास फोटो अधिकृत सोशल मीडिया हँडलवर पोस्ट केले आहेत.
यामध्ये सर्व खेळाडू आणि सपोर्ट स्टाफ स्टायलिश लूकमध्ये दिसत असून पांड्या केक कट करताना दिसत आहे.
हार्दिक सध्या कमाल फॉर्ममध्ये असून त्याचा वाढदिवसही जल्लोषात साजरा झाला आहे.
आगामी टी20 विश्वचषक ऑस्ट्रेलियात 16 ऑक्टोबरपासून सुरु होणार असून यासाठी टीम इंडिया ऑस्ट्रेलियाला पोहोचली आहे. पांड्याही संघासोबत आहे.
काही दिवसांपूर्वीच पांड्या सर्व संघासोबत ऑस्ट्रेलियासाठी रवाना झाला.
यंदाच्या विश्वचषकात पांड्याकडून संपू्र्ण देशाला बऱ्याच आशा असणार आहेत. त्याच्यावर मोठी जबाबदारी यावेळी असेल.
भारताचा स्टार ऑलराऊंडर हार्दिक पांड्याने आतापर्यंत 73 टी-20 आंतरराष्ट्रीय सामने खेळले आहेत. यामध्ये त्यानं 54 विकेट घेतल्या आणि 989 धावा केल्या.
आंतरराष्ट्रीय टी-20 मध्ये त्याचा स्ट्राइक रेट 148.5 इतका आहे. हार्दिक एकदिवसीय सामन्यांमध्ये अधिक यशस्वी ठरला आहे.
एकदिवसीय क्रिकेटमध्ये त्यानं 66 सामन्यांमध्ये 63 विकेट घेतल्या असून 1 हजार 386 धावा केल्या आहेत. एकदिवसीय सामन्यात त्याची फलंदाजी सरासरी 34 धावांची आहे. हार्दिक कसोटी क्रिकेटमध्ये तितका प्रभावी ठरलेला नाही. आतापर्यंत त्याला 11 कसोटी खेळण्याची संधी मिळाली आहे. ज्यात त्यानं 17 विकेट घेतल्या आहेत आणि 532 धावा केल्या आहेत.