Harbhajan Singh : रोहित शर्मा आणि विराट कोहली किती वर्ष खेळतील, कधी निवृत्त होतील, हरभजन सिंगनं वर्तवले वेगवेगळे अंदाज

भारताचा माजी क्रिकेटपटू हरभजन सिंगनं मोठं वक्तव्य केलं आहे. रोहित शर्मा आणि विराट कोहली दोघे आणखी काही वर्ष क्रिकेट खेळू शकतात, असं हरभजन सिंगनं म्हटलं.

हरभजन सिंगनं रोहित शर्मा आणखी दोन वर्षे आंतरराष्ट्रीय क्रिकेट खेळू शकतो तर विराट कोहली पुढील पाच वर्ष आंतरराष्ट्रीय क्रिकेट खेळू शकतो, असं त्यानं म्हटलं.

रोहित शर्मा सहजपणे आणखी दोन वर्ष खेळेल. विराट कोहलीला अजून फिटनेसची काही अडचण नसल्यानं तो पाच वर्ष खेळू शकतो, असं हरभजन सिंगनं म्हटलं.

विराट कोहली टीममधील सर्वात फिट खेळाडू हरभजन सिंग म्हणाला. तुम्ही त्याची 19 वर्षाखालील खेळाडूबरोबर स्पर्धा लावली तर तो त्याला पराभूत करेल, असं हरभजन म्हणाला.

विराट कोहली आणि रोहित शर्मामध्ये अजून बरंच क्रिकेट बाकी आहे. दोघांचा फिटनेस चांगला असेल तर ते चांगली कामगिरी करतील आणि भारताला विजय मिळवून देतील, असं हरभजन सिंग म्हणाला.