झादरानचा ऑस्ट्रेलियाला पठाणी तडाखा, असा पराक्रम करणारा पहिलाच अफगाण खेळाडू

अफगाणिस्तानकडून सलामीचा फलंदाज इब्राहिम झादरान याने शतकी खेळी केली.

इब्राहिम झादरान हा विश्वचषकात शतक झळकावणारा अफगाणिस्तानचा पहिला फलंदाज ठरला.

इब्राहिम झादरान याने वानखेडे स्टेडियमवरच्या सामन्यात ही कामगिरी बजावली.

इब्राहिम झादराननं 143 चेंडूंत नाबाद 129 धावांची खेळी उभारली.

याआधी समिउल्ला शिनवारीनं 2015 सालच्या विश्वचषकात स्कॉटलंडविरुद्ध केलेली 96 धावांची खेळी हा अफगाणिस्तानचा आजवरचा वैयक्तिक उच्चांक होता. समिउल्ला शिनवारी याचा विक्रम झादराननं मोडीत काढला.

ऑस्ट्रेलियाविरोधात झादरान याने एक खिंड नेटानं लढवून अफगाणिस्तानच्या प्रत्येक फलंदाजासोबत छोटी-मोठी भागीदारी रचली.

त्यामुळंच अफगाणिस्तानला 50 षटकांत पाच बाद 291 धावांची मजल मारता आली.