PHOTO : न्यूयॉर्क हादरलं! ब्रुकलिन सबवे स्टेशनमध्ये अंदाधुंद गोळीबार अन् स्फोट, अंगावर शहारा आणणारे फोटो

न्यूयॉर्कमधील मेट्रो स्टेशनवर गोळीबार झाला आहे. या गोळीबारात 16 जण गंभीर जखमी झाले आहेत.

घटनास्थाळावरील एका फोटोत गोळीबारातनंतर अनेक लोक रक्ताच्या थारोळ्यात पडले असल्याचं दिसत आहेत.

अमेरिकन वेळेनुसार, सकाळी साडेआठ वाजण्याच्या सुमारास हा गोळीबार झाल्याची प्राथमिक माहिती मिळाली आहे.

पोलिसांनी दिलेल्या माहितीनुसार गोळीबार करणाऱ्या व्यक्तीनं बांधकाम कामगारासारखे कपडे घातले होते आणि तोंडावर गॅस मास्कही लावला होता. त्याच्या हातात गन होती आणि तो काही बॉम्ब घेऊन स्टेशनमध्ये घुसला होता.

गोळीबारानंतर पोलिसांनी स्टेशनवर सर्च ऑपरेशन करण्यात आलं. त्यात काही बॉम्बही सापडले.

न्यूयॉर्क पोलीस विभागाची कमांडो टीम मेट्रो स्टेशनमध्ये तैनात करण्यात आली आहे. एफबीआयची टीमही घटनास्थळी पोहोचली असून त्यांनी चौकशी सुरु केली.

गोळीबाराच्या घटनेनंतर न्यूयॉर्कमध्ये हाय अलर्ट जारी करण्यात आला आहे.

मिळालेल्या माहितीनुसार, गोळीबारानंतर मेट्रोस्टेशनवर स्फोटही झाला आहे. त्यामुळे या परिसरासह शहरातील सर्व मेट्रो स्टेशनवर पोलीस बंदोबस्त वाढवण्यात आला आहे.

दरम्यान, या गोळीबार प्रकरणी न्यूयॉर्कमधून एका संशयिताला पोलिसांनी ताब्यात घेतले आहे. पोलिसांनी दिलेल्या माहितीनुसार मेट्रो स्टेशनवर झालेला हल्ला दहशतवादी हल्ला आहे.