Wardha News : वर्ध्यात पावसाची पुन्हा दमदार हजेरी, निम्न वर्धा धरणाचे सात दरवाजे उघडले

वर्ध्याच्या सेलू, देवळी, आंजी, येळकेळी, वायगाव भागात पावसाने हजेरी लावली.

वर्ध्यातील आर्वी आणि आष्टी भागात देखील पाऊस बरसला.

त्यामुळे वर्धा जिल्ह्यातील निम्न वर्धा धरणाचे सात दरवाजे उघडण्यात आले आहे.

हे दरवाजे 30 सेमीने उघडण्यात आले आहेत.

या सात दरवाज्यामधून 183.80 घन मी. प्रति सेकंद प्रमाणे पाण्याचा विसर्ग करण्यात येत आहे.

हे पाणी वर्धा नदीच्या पात्रात सोडण्यात आले आहे.

यामुळे नदीकाठच्या गावांना प्रशसानाने सतर्कतेचा इशारा दिला आहे.

या पावसाची गरज शेतकऱ्यांना जास्त होती.

पावसामुळे आता शेतकऱ्यांची देखील चिंता मिटली आहे.

तसेच या धरणातील पाण्याच्या विसर्गामुळे वर्ध्यातील नागरिकांची पाण्याची चिंता मिटली आहे.