वर्ध्याच्या घोरड गावात केजाजी महाराजांचा पुण्यतीथी महोत्सव, डोळ्याचे पारण फेडणारा रिंगण सोहळा

वर्ध्याच्या घोराड येथील संत केजाजी महाराज यांचा पुण्यतीथी महोत्सव साजरा करण्यात आला आहे.

यावेळी येथे आयोजित रिंगण पाहण्यासाठी अलोट गर्दी जमली होती.

विदर्भाची प्रतिपंढरी म्हणून ओळखल्या जाणाऱ्या या तिर्थस्थळी दिंडीसोहळा देखील आयोजित करण्यात आला.

संत नामदेव महाराज समाधी मैदानावर करण्यात आलेल्या रिंगण सोहळ्यात अश्व, विणेकरी, मृदुंग वादक यांनी रिंगण करून भाविकांचे लक्ष वेधून घेतले.

बोर नदी काठावर असलेले घोराड हे तिर्थस्थळ संत केजाजी महाराज आणि संत नामदेव महाराज यांची कर्मभूमी मानली जाते

संत केजाजी महाराज यांची 116 वी पुण्यतिथी साजरी करण्यात आली आहे

दिंडी गरुड, हनुमान मंदिराकडून बोर तिरावरील पुंडलीकांच्या भेटीला गेली.

मंदिराला प्रदक्षिणा करत असताना भाविकांकडून होत असलेला हरिनामाचा गजर पंढपुरातील चंद्रभागेच्या तिरावरची अनुभूती देत होता.

सर्व दिंड्या संत नामदेव महाराज समाधी मैदानावर पोहचताच या ठिकाणी दिंड्यांचा रिंगण सोहळा पार पडला.

डोळ्याचे पारणे फेडणारा रिंगण सोहळा पाहण्यासाठी विदर्भातील असंख्य भाविकांची उपस्थिती होती.