Photo : ऐकावं ते नवलच? सोलापुरातील टेंभुर्णीत गौतमी पाटील थाळी
नृत्यात अश्लीलता असल्याच्या टीकेवरून गेल्या काही दिवसांपासून नृत्यांगना गौतमी पाटील सतत चर्चेत आहे. तिच्या डान्सवर महाराष्ट्रातून टीका केली जात आहे.
Download ABP Live App and Watch All Latest Videos
View In Appगौतमीच्या नृत्यात अश्लीलता असल्याची टीका करत तिने डान्स करणं बंद करावं अशी मागणी काही मंडळींनी केली आहे. त्यामुळे सध्या गौतमी चांगलीच चर्चेत आहे.
गौतमीच्या प्रसिद्धीचा फायदा घेत हॉटेल मालक महेश गोरे यांनी गौतमी पाटील यांच्या हस्ते हॉटेल सुमानाचे उद्घाटन करत गौतमीच्या नावाने थाळी सुरु केली आहे. सोलापूर जिल्ह्यातील टेंभुर्णी येथे हे हॉटेल आहे
प्रसिद्धी मिळविण्यासाठी सध्या काहीपण केले जाते आणि याचेच उदाहरण टेंभुर्णी येथे दिसून आले आहे. टेंभुर्णी येथे नुकतेच हॉटेल सुमन या शुद्ध शाकाहारी हॉटेलचे उद्घाटन झाले.
यामध्ये विशेष काय असे तुम्हाला वाटेल पण या हॉटेलचे उद्घाटन नृत्यांगना गौतमी पाटीलचा फॅन असलेले मालक महेश गोरे यांनी थेट गौतमी पाटील यांच्याच हस्ते ठेवले.
गौतमी पाटील यांच्या नावाने शुद्ध शाकाहारी थाळी सुरु करत मार्केटिंगचा नवीन फंडा शोधून काढलाय.
सध्या अनेक वादात अडकूनही नृत्यांगना गौतमी पाटील यांची क्रेझ तरुणाईत दिवसेंदिवस वाढत चालल्याचे दिसत आहे.
गावोगावी होत असणाऱ्या गौतमी यांच्या कार्यक्रमात हजारोंच्या संख्येने तरुणाई आनंद घेताना दिसत आहे. याच प्रसिद्धीचा फायदा घेत हॉटेल मालक महेश गोरे यांनी गौतमी पाटील यांच्या हस्ते हॉटेल सुमानाचे उद्घाटन करत गोतमीच्या नावाने ही थाळी सुरु केली आहे.
माढा तालुक्यातील पुणे सोलापूर महामार्गावरील टेंभुर्णी शहरातील गौतमी पाटीलच्या हस्ते हॉटेलचे उद्घाटन करुन तिच्या नावाने हॉटेल मालकाने गौतमी स्पेशल थाळी सुरु केली आहे
या स्पेशल थाळीमध्ये भेंडी फ्राय, मिक्स व्हेज, सलाड, स्पेशल डाळ फ्राय, चार बटर रोटी, गुलाबजाम असे पदार्थ देऊन ही थाळी सजविण्यात आली आहे. या स्पेशल गौतमी पाटील व्हेज थाळीची किंमत 240 रुपये इतकी ठेवण्यात आली आहे.