Solapur Accident : सोलापूर-हैद्राबाद महामार्गावर बल्कर अन् दुचाकीचा भीषण अपघात, कामगार नेत्यासह तिघांचा मृत्यू

सोलापूराहून हैद्राबादकडे जाणाऱ्या बल्कर वाहनाने रस्त्यावरून जाणाऱ्या दुचाकीना धडक दिलीये.

दुचाकीस्वरांना धडक दिल्यानंतर दुभाजक ओलांडून बल्कर विरुद्ध दिशेला असलेल्या गॅरेजवर आदळली.

या अपघातात तिघांचा दुर्दैवी अंत झालाय, तर चौघे गंभीररित्या जखमी झाले आहेत.

प्राथमिक माहितीनुसार गंभीर जखमी असलेल्या चौघाना सोलापूरच्या शासकीय रुग्णालयकडे रवाना करण्यात आलंय.

बल्कर गॅरेजवर आदळल्याने आत कोणी अडकलंय का याचा तपास सध्या पोलीस करतायत.

घटनास्थळी पोलीस, राष्ट्रीय महामार्गचे बचाव पथक आणि सामाजिक कायकर्ते बल्कर हटवण्यासाठी प्रयत्न करतायत.

विवेकानंद लिंगराज, आसिफ बागवान, तोहीद कुरेशी असं अपघातात मृत्यू झालेल्यांची नावे आहेत.

मयत विवेकानंद उर्फ विवेक लिंगराज हे सोलापूर जिल्हा परिषद कामगार संघटनेचे नेते होते.

त्यांच्या मृत्यूची बातमी कळतच सोलापूर शासकीय रुग्णालयात मोठी गर्दी झालीय.