विठ्ठल... विठ्ठल... माऊलींच्या गाभाऱ्याला द्राक्षांची आरास; महाशिवरात्रीनिमित्त जलाभिषेक

महाशिवरात्रीचा उत्सव संपूर्ण देशभरात मोठ्या जल्लोषात साजरा करण्यात आला.

राज्यातही ठिकठिकाणी भगवान शंकराच्या दर्शनासाठी भाविकांनी गर्दी केली होती.

राज्यातील महत्त्वाच्या शिवमंदिरांमध्येही भाविकांनी गर्दी केली होती.

काल (शनिवारी) रात्री बारा वाजता विठ्ठलाच्या मस्तकावर असणाऱ्या पिंडीवर गंगोत्री येथून गंगाजल आणून जलाभिषेक करण्यात आला.

मंदिराचे सह अध्यक्ष गहिनीनाथ महाराज यांनी विठुरायावर जलाभिषेक केला.

पूर्वीपासून ही पद्धत चालत आली असून पूर्वी श्रीमंत होळकर घराण्याच्या वंशजांकडून गंगाजलानं अभिषेक केला जायचा.

विठुरायाच्या मस्तकावर देवाने पिंडी धारण केल्यानं हे हरी हर रूप मानलं जातं.

याच निमित्ताने रात्री मंदिराला द्राक्षाची सुंदर आरास करण्यात आली होती