PHOTO : तळकोकणात रणरणत्या उन्हात आशा सेविकांचा जिल्हाधिकारी कार्यालयावर मोर्चा

रणरणत्या उन्हात आशासेविकांनी विविध मागण्यांसाठी सिंधुदुर्ग जिल्हाधिकारी कार्यालयावर मोर्चा काढला.

आरोग्य यंत्रणेचे चाक असलेल्या आशांना सरकारी कर्मचाऱ्यांचा दर्जा देण्यात यावा.

तसेच कामाच्या मोबदल्यात देण्यात येणारे मानधन नियमित देण्यात यावे

या मागण्यांकडे शासनाचे लक्ष वेधण्यासाठी सीटू संलग्नित आशा वर्कर्स रणरणत्या उन्हात रस्त्यावर उतरल्या.

ओरोस येथील प्राथमिक शिक्षक पतपेढी ते जिल्हाधिकारी कार्यालयापर्यंत घोषणा देत मोर्चा काढण्यात आला.

शिस्तबद्ध पद्धतीने जिल्हाधिकारी कार्यालयावर मोर्चा काढून मागण्यांचे निवेदन प्रशासनाला सादर करण्यात आले.

तळकोकणात तापमानाचा पारा चढाच असून उकाडा कायम आहे.

त्यातच अंगाची लाहीलाही होत असताना या आशा सेविका आपल्या मागण्यांसाठी रस्त्यावर उतरल्या