पाऊले चालती पंढरीची वाट... गजानन महाराजांची पालखी हिंगोलीत, पाहा ड्रोनच्या नजरेतून

विदर्भाची पंढरी असलेल्या शेगावमधील गजानन महाराजांची पालखी आषाढी एकादशीनिमित्त पंढरपूरच्या दिशेने निघालेली आहे . (छाया - प्रशांत खिल्लारे)

हिंगोली जिल्ह्यांमध्ये या पालखीचा आजचा तिसरा आणि शेवटचा मुक्काम आहे. आज पालखी जवळा बाजार या ठिकाणी मुक्कामी असेल. (छाया - प्रशांत खिल्लारे)

हिंगोलीत टाळ मृदंगाच्या आवाजाने भक्तिमय वातावरण झालेय. गुरुवारी ही पालखी परभणी जिल्ह्यामध्ये प्रवेश करेल. (छाया - प्रशांत खिल्लारे)

या पालखीमध्ये एकूण साडेसातशे वारकरी सहभागी झाले असून आषाढी एकादशीनिमित्त ही वारी पंढरपूरला पोहोचत असते. एका महिन्यामध्ये साडेपाचशे किलोमीटरचा पायी प्रवास करून ही पालखी पंढरपूरला पोहोचणार आहे. (छाया - प्रशांत खिल्लारे)

या वर्षीचे वारीचे हे 51वे वर्ष आहे. बुधवारी रात्री या पालखीचा मुक्काम हिंगोलीचा डिग्रस कऱ्हाळे या गावांमध्ये झाला असून पुढील पायी प्रवासासाठी पालखी निघाली आहे. (छाया - प्रशांत खिल्लारे)

अत्यंत शिस्तीत चालणारे वारकरी पांढरे शुभ्र कपडे आणि हातात भगवा झेंडा हे या वारीचे वेगळेपण असतं. (छाया - प्रशांत खिल्लारे)

हातात टाळ आणि मृदुंग विठ्ठल नामाचा जयघोष अशा या भक्तीने वातावरणामध्ये ही पालखी मजल दरमजल करत पंढरपूर कडे प्रवास करत आहे. (छाया - प्रशांत खिल्लारे)