Pune News : कचरावेचक महिलांनी पुणेकरांसोबत साजरा केला रक्षाबंधनाचा सण

आज रक्षाबंधनाचा सण देशभरात उत्साहात साजरा होत आहे.

पुण्यात देखील अनोख्या पद्धतीने आज रक्षाबंधन साजरे करण्यात आले आहे.

पुणे शहर स्वच्छ ठेवणारे, पुणेकऱ्यांच्या आरोग्याची काळजी घेणारे स्वच्छचे सेवक, अर्थातच शहरातील कचरावेचकांनी शहरातील नागरिकांना राखी बांधून रक्षाबंधन साजरे केले आहे.

यामध्ये कचरावेचकांनी माजी लोकप्रतिनिधी, सामाजिक कार्यकर्ते, स्वच्छताप्रेमी, नागरिक, कचरा वेचकांच्या हक्कांसाठी पुढाकार घेणारे पुणेकर यांच्यासोबत आपली बांधिलकी व्यक्त करून रक्षाबंधन साजरे केले.

आम्हाला सर्वतोपरी पाठिंबा देणाऱ्या नागरिकांप्रती आम्ही कृतज्ञ आहोत.

आम्ही शहराची स्वच्छता ठेवून पर्यावरणाचे आणि नागरिकांच्या आरोग्याचे रक्षण करतो.

नागरिक कामाच्या ठिकाणी तसेच वैयक्तिक आयुष्यातील आमच्या अडचणी समजून, आम्हाला वेळोवेळी मदत करून आमची रक्षा करतात. असे कचरावेचक महिलांनी म्हटले.