Pune News : पुणेकरांकडून क्रिकेटविरांच्या बॅनर्सला दुग्धाभिषेक

विश्वचषकातील अंतिम मुकाबला आज अहमदाबादमध्ये पार पडतोय.

भारत विरुद्ध ऑस्ट्रेलिया असा सामना रंगत आहे.

भारतीय संघाला शुभेच्छा देण्यासाठी आज सकाळपासूनच देशभरातील अनेक ठिकाणी कुठे होम हवन केला जातोय तर कुठे आरती केली जातेय.

याच निमित्ताने पुण्यातील कोथरूड भागात भारतीय संघाच्या प्रतिकृतींवर दुग्धाभिषेक घालण्यात आलाय.

विराट कोहली, रोहित शर्मा, मोहम्मद शमी अशा अनेक भारतीय संघातील खेळाडूंच्या पोस्टरवर दुधाने अभिषेक करून त्यांना विश्व विजेते पद जिंकण्यासाठी क्रिकेट प्रेमींनी अनोख्या शुभेच्छा दिलेलं पाहायला मिळालं.

देशभरात विश्वचषकाचा उत्साह पाहायला मिळत आहे.

अनेक क्रिकेटप्रेमी एकत्र जमले असून ते विविध माध्यमातून भारतीय संघाच्या विजयासाठी साकडं घालताना दिसत आहे.

यावेळी क्रिकेट प्रेमींनी मोठी गर्दी केली होती

मोठ मोठ्याने घोषणाबाजीदेखील केली.