Pune News : काळ आला होता, पण! 25 विद्यार्थ्यांना घेऊन चाललेल्या स्कुल बसचा अपघात; इंद्रायणी नदीत कोसळता-कोसळता बचावली

पिंपरी चिंचवडमध्ये काळ आला होता, पण वेळ नाही अशी म्हणायची वेळ आली.

20 ते 25 विद्यार्थी घेऊन निघालेल्या स्कुल बसचा अपघात झाला.

अपघातग्रस्त बस इंद्रायणी नदीत बस कोसळता-कोसळता थोडक्यात बचावली.

सुदैवाने बसचे चाक पुलाच्या बॅरेंगेटिंगमध्ये अडकले.

अन्यथा विद्यार्थ्यांसह ही बस नदीत बुडाली असती.

चऱ्होली गावालगत हा अपघात आज (4 जुलै) दुपारी साडे तीनच्या सुमारास झाला.

सर्व विद्यार्थ्यांना बसमधून सुरक्षित बाहेर काढण्यात आले.

या अपघातात चार ते पाच विद्यार्थी किरकोळ जखमी झाले.

हा अपघात नेमका कसा झाला? यात चूक कोणाची होती, हे अद्याप कळू शकलेलं नाही.

मात्र, सुदैवाने कोणतीही जिवितहानी न झाल्याने अनर्थ टळला आहे.