Pune Accident : पुण्यातील कात्रज कोंढवा रस्त्यावर 11 वाहनं एकमेकांवर आदळली; एकाचा मृत्यू

पुण्यातील कात्रज कोंढवा रस्त्यावर तब्बल 11 वाहनांचा विचित्र अपघात झाला आहे.

या अपघातात एका नागरिकाचा मृत्यू झाला आहे.

अपघातात 5 जण गंभीर जखमी झाल्याची माहिती समोर आली आहे.

या अपघातामध्ये स्कूल बस, दुचाकी आणि ट्रकचाही समावेश असल्याची धक्कादायक माहिती आहे.

दरम्यान, कोंढवा बुद्रुक स्मशानभूमी जवळ हा विचित्र अपघात झाला.

शाळेत जाणाऱ्या विद्यार्थ्यांच्या स्कूल बसला ट्रकने जोराची धडक दिली.

पण सुदैवाने या अपघातात शाळकरी मुले बचावली आहेत. यातील दोन विद्यार्थी किरकोळ जखमी झाले असून त्यांना उपचारासाठी हॉस्पिटलमध्ये दाखल करण्यात आले आहे.