Pune Fire: पुण्यात मंगळवार पेठेत भीषण आग, जुन्या बाजारातील दुकानं आगीच्या भक्ष्यस्थानी

Pune Fire News: पुण्यातील मंगळवार पेठेत असणाऱ्या जुन्या बाजारातील दुकानांना भीषण आग लागली होती. अखेर आगीवर नियंत्रण मिळवण्यात अग्निशमन दलाला यश आलं आहे.

Pune Fire News

पुण्यातील जुना बाजार येथे असलेल्या दुकानांना मोठी आग लागली.

मंगळवार पेठेत असलेल्या जुन्या बाजारामधील दुकानांना आज सकाळी अचानक आग लागली.

या भागात वायरिंग, इलेक्ट्रिकल, लाकडी फर्निचर अशा वस्तूंची अनेक दुकानं आहेत.

घटनेची माहिती मिळताच अग्निशमन दलाच्या 8 गाड्या घटनास्थळी दाखल झाल्या.

अग्निशमन जवानांकडून आगीवर नियंत्रण मिळवण्यासाठी शर्थीचे प्रयत्न करण्यात आले.

अखेर अग्निमन दलाच्या जवानांना आगीवर नियंत्रण मिळवण्यात यश आलं आहे.

प्राथमिक माहितीनुसार, या आगीत कोणीही जखमी झालेलं नाही.

मात्र, अद्याप आग कशामुळे लागली याचं कारण समजू शकलेलं नाही.