Pune Rain : पुण्यात, पिंपरी-चिंचवडमध्ये वादळी-वाऱ्यासह पाऊस; रस्त्यांवर पाणी साचले

पुण्यात आणि पिंपरी-चिंचवड परिसरात वादळी-वाऱ्यासह पावसाला सुरुवात झाली आहे.

हवामान खात्याने राज्यभर पावसाचा इशारा दिला होता. वादळी वाऱ्यासह आलेल्या पावसाने पुणेकरांची चांगलीच तारांबळ उडाली आहे.

डेक्कन, घोले रोड, आपटे रोड, फर्ग्यूसन रोड, कोथरुड , कर्वे नगर आणि पेठांच्यापरिसरात मोठ्या प्रमाणात पावसाला सुरुवात झाली आहे.

पुण्यात सुरू असलेल्या पावसामुळे रस्त्याचे नदीमध्ये रूपांतर व्हायला सुरुवात झाली आहे.

पाण्याचा निचरा होण्यास जागा नसल्यामुळे रस्त्यांवर पाणी साचले आहे.

पुण्यातील पौड फाट्याजवळ आज संध्याकाळी झालेल्या पावसामुळे रस्त्यावर मोठ्या प्रमाणात पाणी साठले होते.

साठलेल्या पाण्यामुळे गाडी चालवण्यासाठी नागरिकांची त्रेधातिरपीट उडाली होती.

रत्यांवर पाणी साठल्याने नागरिकांची तारांबळ उडाली.