Parbhani News : परभणीत लागवड केलेली चार एकर केळी रानडुक्करांनी फस्त केली, नुकसान भरपाई देण्याची शेतकऱ्यांची मागणी

परभणी जिल्ह्यातील विविध भागात वन्य प्राण्यांकडून पिकांचे मोठ्या प्रमाणावर नुकसान होत आहे.

तालुक्यातील शहापूर येथील तब्बल 4 एकरवर लागवड केलेली केळी रानडुक्करांनी रात्रीतून फस्त केली.

ज्यामुळे शेतकरी सुरेश मोरे आणि राणी मोरे यांचे मोठे नुकसान झाले आहे.

याबाबत दोन्ही शेतकऱ्यांनी वन विभागाकडे तक्रार केली अन् तात्काळ या रानडुक्करांचा बंदोबस्त करुन नुकसानभरपाई देण्याची मागणी केली आहे.

यंदा केवळ शहापूरच नाही तर जिंतूर, सेलु, गंगाखेड आदी तालुक्यात रानडुक्करे, रोही, हरणं आदी वन्यप्राण्यांकडून शेतीपिकांचे मोठे नुकसान केले जात आहे.

अनेक तक्रारी करुनही वन विभाग मात्र याकडे साफ दुर्लक्ष करताना दिसत असल्याचा आरोप शेतकऱ्यांचा आहे.