Ganeshotsav 2023 : पालघरमध्ये विद्यार्थ्यांनी साकारलेल्या गणेश पेंटिंगचं प्रदर्शन

राज्यभरात लवकरच गणपती बाप्पांचं आगमन होणार आहे.

याचं औचित्य साधून पालघरमध्ये आज भव्य राज्य व राष्ट्रीय स्तरावरील गणेश पेंटिंग कलाकृतींचं प्रदर्शन भरवण्यात आलं होतं.

आर्यन हायस्कूल पालघरचे कलाशिक्षक ज्ञानेश्वर माळी यांनी या प्रदर्शनाचं आयोजन केलं.

या प्रदर्शनात विद्यार्थ्यांनी तयार केलेल्या बाप्पांच्या आकर्षक आणि मनमोहक अशा कलाकृती सादर करण्यात आल्या होत्या.

चिमुकल्यांमध्ये कलाकृतीची आवड निर्माण व्हावे हा प्रमुख उद्देश डोळ्यासमोर ठेवून या प्रदर्शनाचं आयोजन करण्यात आलं होतं.

आज रविवार असल्याने या प्रदर्शनाला पालघरसह परिसरातील नागरिकांचे प्रचंड गर्दी पाहायला मिळाली .