PHOTO : नवरात्रोत्सवात तुळजाभवानी मंदिर 22 तास खुले राहणार

कोरोनाचं संकट कमी झाल्यानंतर राज्यातील सण उत्सव निर्बंधांविना पार पडत आहेत. महाराष्ट्र निर्बंधमुक्त झाल्यानंतर विविध मंदिर खुली झाले आहेत.

महाराष्ट्राची कुलस्वामिनी आणि साडे तीन शक्तिपीठांपैकी एक पूर्ण पीठ असलेलं तुळजाभवानी मंदिर आगामी शारदीय नवरात्र उत्सव काळात भाविकांसाठी 22 तास खुले राहणार आहे.

तुळजापूरची तुळजाभवानी म्हणजे संपूर्ण महाराष्ट्राचं कुलदैवत. प्रशासनाकडून नवरात्र उत्सवाची जय्यत तयारी करण्यात आली आहे.

26 सप्टेंबर (घटस्थापना) ते 5 ऑक्टोबर (दसरा) या काळात तुळजाभवानी मंदिर 22 तास खुले राहणार आहे.

नवरात्र काळात भाविकांची होणारी गर्दी विचारात घेऊन तुळजाभवानी मंदिर संस्थानने मंदिर 22 तास खुले ठेवण्याचा निर्णय घेतला आहे.

हे मंदिर रात्री 1 वाजता उघडले जाणार आणि रात्री 11 वाजेपर्यंत म्हणजे 22 तास सुरु राहणार आहे.

मागील दोन वर्षे कोरोनाचे निर्बंध होते. मात्र यंदा पहिल्यांदा कोणतेही निर्बंध नसल्याने मोठी गर्दी होण्याची शक्यता आहे.

26 सप्टेंबर रोजी पहाटे तुळजाभवानी मातेची प्रतिष्ठापना होऊन दुपारी 12 वाजता सिंह गाभाऱ्यात घटस्थापना करण्यात येईल.

घटस्थापना होऊन शारदीय नवरात्रोत्सवाला सुरुवात होईल.