Nashik News : बागलाणचं केळझर धरण पूर्ण क्षमतेनं भरलं; दिंडोरीच्या पुणेगाव धरणातून विसर्ग, पाहा नयनरम्य फोटो

Nashik News : नाशिक (Nashik) शहरासह जिल्ह्यात अद्यापह पावसाची प्रतीक्षा असून जिल्ह्यातील काही भागात रिपरिप सुरु असल्याने धरणे हळूहळू भरू लागली आहेत.

Punegaon dam

नाशिक शहरासह जिल्ह्यात अद्यापह पावसाची प्रतीक्षा असून जिल्ह्यातील काही भागात रिपरिप सुरु असल्याने धरणे हळूहळू भरू लागली आहेत.

दमदार पावसाची प्रतीक्षा कायम असून जिल्ह्यातील त्र्यंबकेश्वर, इगतपुरी, सुरगाणा पेठ, आदी तालुक्यांसह कसमादे पट्ट्यात रिपरिप सुरु असल्याने शेतकऱ्यांना दिलासा मिळत आहे.

बागलाण तालुक्यातील केळझर धरण पूर्ण क्षमतेने भरले असून ओसंडून वाहू लागले आहे. तर दिंडोरी तालुक्यातील पुणेगाव धरणही ओव्हरफ्लो झाले आहे.

बागलाणच्या पश्चिम भागास वरदान ठरलेले ५७२ दलघफू क्षमता असलेले केळझर (गोपाळ सागर) धरण आज सकाळी पूर्ण क्षमतेने भरले.

धरणाच्या सांडव्यावरून आरम नदी पात्रात पाण्याचा विसर्ग सुरू झाला आहे. केळझर मध्यम लघू प्रकल्प परिसरात मागील काही दिवसांपासून झालेल्या पावसामुळे केळझर धरण ओसंडून वाहू लागले आहे.

बागलाण तालुक्यातील बहुतांशी शेती सिंचनाखाली आणण्यात केळझर धरणाच्या डांगसौंदाणे पाणलोट क्षेत्राचा मोठा फायदा होतो. केळझर धरणं भरल्याने आरम खोऱ्यातील शेतकरी आनंदी झाले आहे. शेत व पिण्याच्या पाण्याचा प्रश्न सुटण्यास मदत होणार आहे.

दिंडोरी तालुक्यातील पुणेगाव धरण क्षेत्रात समाधानकारक पाऊस बरसत असल्याने धरण पूर्ण क्षमतेने भरले आहे.

धरणाच्या दोन दरवाजातून ओझरखेड धरणाकडे पाण्याचा विसर्ग करण्यात आला आहे.

दिंडोरी तालुक्यात एकूण सहा धरण असून , त्यापैकी फक्त पुणेगाव धरण प्रथम पूर्ण क्षमतेने भरल्याने परिसरातील शेतकऱ्यांनी समाधान व्यक्त केले.