Merry Christmas 2021 : नाताळ निमित्ताने वसईच्या बाजारपेठा सजल्या, खरेदीसाठी नागरिकांची लगबग

नाताळच्या सणाला अगदी काही दिवस शिल्लक राहिले आहेत. त्यामुळे बाजारपेठाही नाताळच्या साहित्याने सजू लागल्या आहेत.

वसईमध्ये मोठ्या प्रमाणात नाताळ सण साजरा केला जातो. त्यामुळे तेथील बाजारपेठांमध्ये नाताळचं साहित्यही मोठ्या प्रमाणात दिसत आहेत.

वसईतील नागरिकांनी बाजारात नाताळच्या साहित्यासह नववर्षाच्या सेलिब्रेशनसाठीचं साहित्य खरेदी करण्यासाठीही लगबग सुरु केली आहे.

विविध प्रकारच्या डेकोरेशनच्या साहित्यांसह नाताळच्या टोप्या आणि कपड्यांनी बाजारपेठा फुलल्या आहेत.

गिफ्ट शॉप्समध्ये विविध प्रकारच्या शोभेच्या वस्तू ज्या नाताळ सणांमध्ये लोक वापरतात त्या मोठ्या प्रमाणात मिळत आहेत.

बच्चेकंपनीचा आवडीचा सण असणाऱ्या नाताळसाठी बाजारपेठांमध्ये लहानग्यांच्या आवडीचं साहित्यही बाजारात आहे.

नाताळच्या साहित्याने बाजारपेठा सजल्यामुळे अगदी लाल आणि पांढऱ्या रंगात बाजारपेठा न्हावून गेल्यासारख्या वाटत आहेत.

नाताळच्या निमित्ताने आकर्षक लाईट्सनी बाजारपेठा झगमगून गेल्या आहेत.

वसईच्या विविध बाजारपेठांमध्ये नागरिकांनी खरेदीसाठी लगबग सुरु केली आहे.