Photo: मुंबई: गोरेगाव IT park जवळ रस्ता खचला; टेम्पो गटारात अडकला, क्रेनच्या मदतीने बाहेर काढला

मागील काही दिवसांपासून मुंबईत मुसळधार पाऊस सुरू आहे.

पावसामुळे मुंबई आणि आजूबाजूच्या परिसरात दरडी कोसळण्याच्या घटना ताज्या आहेत.

मुंबईतील गोरेगाव पूर्वेकडील नागरी निवारा परिषद वसाहतीमधील आयटी पार्कजवळील नाल्याची संरक्षक भिंत पडली.

आज, सोमवार 24 जुलै रोजी रात्री 8.30 वाजण्याच्या सुमारास ही घटना घडली.

नाल्याची भिंत कोसळल्याने नाल्या शेजारील रस्ता देखील खचला आहे.

यामुळे एक अवजड टेम्पो देखील या ठिकाणी अडकला आहे.

रस्ता खचल्यामुळे तो वाहतुकीसाठी देखील बंद करण्यात आला आहे.

टेम्पो काढण्यासाठी क्रेनची मदत घेण्यात आली.

क्रेनच्या मदतीने खचलेल्या रस्त्यात अडकलेल्या टेम्पोला बाहेर काढण्यात यश मिळाले.

टेम्पोला बाहेर काढल्यानंतर आयटी पार्क जवळील एक मार्गिका वाहतुकीसाठी बंद करण्यात आली आहे.

नागरी निवार परिषदेतील आयटी पार्क जवळील परिसर हा सकाळच्या वेळी वर्दळीचा असतो. त्यामुळे सकाळी वाहतूक कोंडी होऊ शकतो.