Goregaon fire :गोरेगावमध्ये 31 मजली टॉवरला भीषण आग, दोन जण गंभीररित्या भाजले

गोरेगावच्या सिद्धार्थ नगर परिसरात 31 मजली टॉवरला आग लागली आहे.

कल्पतरू रेसिडेन्सीच्या दुसऱ्या मजल्यावर दुपारी 1 वाजता ही मोठी आग लागली.

घटनेची माहिती मिळताच अग्निशमन दलाचा 4 ते 5 गाड्या घटनास्थळावर दाखल झाल्या आहेत.

गेल्या एक ते दीड तासांमध्ये आगीवर नियंत्रण मिळवण्याचे प्रयत्न सुरु आहेत.

या आगीत दोन जण जळून गंभीर जखमी झाले आहेत.

त्यांच्यावर जवळचा ट्रामा केअर रुग्णालयमध्ये उपचार सुरू करण्यात आले आहेत.

मनोज चव्हाण वय 30 वर्ष आणि सहाबुद्दीन वय 50 असं जखमी झालेल्या दोघांची नावे आहेत.

सध्या अग्निशमन दलाचा जवानांकडून फायर कुलिंगचे काम सुरू आहे.

वायरमध्ये शॉर्टसर्किटमुळे आग लागल्याची प्राथमिक माहिती आहे.

पोलिस आणि अग्निशमन दलाचा जवानांकडून या आगी संदर्भात अधिक तपास केला जात आहे.