PHOTO : शिवसेनेकडून वर्धापनदिनाची जय्यत तयारी, नेस्को सेंटरमधील बॅनर्सनी लक्ष वेधून घेतलं!

शिवसेनेचा आज 57 वा वर्धापनदिन आहे. शिवसेनेच्या इतिहासात पहिल्यांदाच दोन वर्धापन दिन साजरे करण्यात येणार आहेत.

शिंदेंच्या शिवसेनेनं मुंबईतील नेस्को सेंटरमध्ये भव्य मेळावा आयोजित केला आहे, तर ठाकरे गटाचा मेळावा षण्मुखानंद हॉलमध्ये पार पडणार आहे.

शिवसेना शिंदे गटाचा मेळावा ज्या ठिकाणी होणार आहे त्या नेस्को सेंटरमध्ये बाळासाहेबांनी म्हटलेल्या विविध वक्तव्यांचे बॅनर्स लावण्यात आलेले आहेत.

'आम्हाला भ्रष्टाचारी काँग्रेसचा रावण जाळायचा आहे, गाडायचा नाही,' असं या बॅनर्सवर लिहिलेलं आहे.

मी माझ्या शिवसेनेची काँग्रेस होऊ देणार नाही...कधीच नाही असंही एका बॅनरवर लिहिलं आहे.

'मतदानाच्या वेळी शिव्या द्यायच्या आणि नंतर त्यांच्याबरोबर आघाडी करायची?' असं आणखी एका बॅनरवर लिहिलं आहे.

शिवसेनेच्या वर्धापनदिनानिमित्ताने शिंदे गटाच्या वतीने सर्वत्र जय्यत तयारी करण्यात आलेली आहे.

राज्यभरातून साधारण 15 हजार कार्यकर्ते शिवसेने शिंदे गटाच्या वर्धापनदिनानिमित्ताने गोरेगाव येथे येणार आहेत.

आलेल्या कार्यकर्त्यांच्या खाणपणाची व्यवस्था देखील शिंदे गटाने चोख केलेली आहे. शिंदे गटांच्या कार्यकर्त्यांसाठी जेवण बनवण्याचं काम जोरात सुरु आहे