In Pics | विठुरायाच्या अंगी आता गावोगावच्या विठ्ठल मंदिराला देणार, मंदिर समितीची अनोखी योजना

विठुरायाच्या पोशाख म्हणजे अंगावर मखमली अंगी , कमरेला शेला आणि रेशमी सोवळे अथवा धोतर .. याच पोशाखात बाराही महिने विठुराया खुलून दिसत असतो. यातील रेशमी सोवळे अथवा धोतर आणि कमरेचा शेला हा तयार मिळतो. (Photo Courtesy : FB/@VitthalRukminiTodayDarshan)

मात्र देवाच्या अंगावर घालण्यात येणाऱ्या विविध प्रकारच्या अंगी या शिवून घ्याव्या लागतात. या मखमली, रेशमी, भरजरी अशा विविध प्रकारच्या कापडाच्या या अंगी शिवून घेतल्या जातात . हे शिवणारे पंढरपूरमध्ये खास शिंपी आहेत. (Photo Courtesy : FB/@VitthalRukminiTodayDarshan)

कमरेवर हात ठेऊन उभ्या असणाऱ्या विठुरायाला ही अंगी घालताना खास पद्धतीने बाराबंदी सारखे शिवावी लागते. (Photo Courtesy : FB/@VitthalRukminiTodayDarshan)

देवाचे पोशाख भाविकांकडून मंदिराला मिळत असल्याने देवासाठी कधी पोशाख खरेदी करायची वेळ मंदिरावर येत नाही. बहुदा एकदा देवाच्या अंगावर घातलेला पोशाख दुसऱ्यांदा घालायची वेळ येत नाही. (Photo Courtesy : FB/@VitthalRukminiTodayDarshan)

यामुळे सध्या मंदिरात विठुरायाच्या हजारापेक्षा जास्त चांगल्या अंगी शिल्लक असून आता या अंगी गावोगावातील विठ्ठल मंदिरांसाठी भाविकांना मोफत देण्याची योजना मंदिर समितीने काढली आहे. (Photo Courtesy : FB/@VitthalRukminiTodayDarshan)

साक्षात विठुरायाच्या अंगावर घातलेली ही अंगी आपल्या गावातील विठ्ठल मूर्तीला परिधान करण्याचा आनंद आता गावोगावच्या विठ्ठल भक्तांना घेता येणार आहे. (Photo Courtesy : FB/@VitthalRukminiTodayDarshan)

मंदिर समितीचे कार्यकारी अधिकारी विठ्ठल जोशी यांनी या अंगी आषाढी यात्रेनंतर मंदिराशी संपर्क करून घेऊन जाव्यात असे आवाहन राज्यभरातील भाविकांना केले आहे . (Photo Courtesy : FB/@VitthalRukminiTodayDarshan)