Diwali 2022 : सुंदर ते ध्यान उभे विटेवरी... दिवाळीनिमित्तानं विठुरायाची राऊळी सजली!

आज दिवाळी लक्ष्मीपूजन आणि नरकचतुर्थी.

अवघी पंढरी दिवाळीसाठी सजली आहे.

ठिकठिकाणी आकर्षक सजावट केल्याचं पाहायला मिळतंय.

दिवाळीनिमित्त विठ्ठल मंदिरात झेंडूच्या विविध रंगी फुलांनी आकर्षक सजावट करण्यात आली आहे.

यंदाची सजावट विठ्ठल गाभाऱ्याच्या बाहेरील चौखांबीपासून सोळखांबी विठ्ठल सभामंडप, रुक्मिणी सभामंडप, नामदेव द्वार येथेही करण्यात आली आहे.

मंदिरातील नामदेव महाद्वारावर पारंपरिक पद्धतीचा चांदणीचा आकाशदिवा लावण्यात आला आहे

विठ्ठल सभागृहात देखील मोठा आकाशदिवा लावण्यात आला आहे.

तब्बल दोन वर्षांनी निर्बंधमुक्त दिवाळी साजरी केली जात आहे.

अशातच पंढरीच्या विठुरायाला भेटण्यासाठी अनेक भक्तांनी गर्दी केली आहे.