In Pics : नवरात्रीला आज रुक्मिणीमातेला मारवाडी पोशाख तर विठुराया नटला पारंपरिक हिरेजडित दागिन्यात

शारदीय नवरात्र महोत्सवाला विठ्ठल मंदिरात मोठ्या उत्साहाने सुरुवात झाली आहे. आज दुसऱ्या माळेला रुक्मिणी मातेला मारवाडी पोशाखात आणि नखशिखांत दागिन्याने नटविण्यात आले आहे

विठुराया पारंपरिक हिरेजडित दागिन्याने नटला आहे.

आज रुक्मिणीमातेला मारवाडी पोशाख करताना भरजरी लाल , पिवळ्या रंगाचा घागरा आणि हिरव्या रंगाच्या चोळीवर सोनेरी रंगाची ओढणी असा देखणा पोशाख परिधान करण्यात आला होता.

यावर नखशिखांत मारवाडी पद्धतीतील अतिशय मौल्यवान अशा हिरे मोत्याच्या दागिन्याने नटविण्यात आले होते.

रूळ, पैंजण , चिंचपेटी , मोहरांची माळ , कंबरपट्टा , हायकोल , मोत्यांचे मंगळसूत्र , मोत्यांचा कंठ , सरी , बाजीराव गरसोळी , ठुशी , तन्मणी , झेला , भोर , तारामंडळ, मण्या मोत्यांच्या पाटल्या , सोन्या मोत्याची तारवड , मोत्यांची नथ , बाळ्या , सोन्याचे बाजूबंद असे 22 प्रकारचे हिरेजडित दागिने परिधान करण्यात आलेले आहेत.

आजचा रुक्मिणी मातेचा हा मारवाडी पोशाख पाहण्यासाठी शेकडो भाविकांनी मंदिरात गर्दी आहे .

नवरात्रीनिमित्त आज विठुरायाला पारंपरिक हिरेजडित दागिन्यात नटविण्यात आल्याने देवाचे रूप खूपच गोजिरे दिसत होते.

देवाला मरून रंगाची मखमली अंगी आणि पोपटी मखमली धोतर असा पोशाख घातला आहे.

नटलेल्या देवाच्या मस्तकी सोन्याचा हिरेजडित मुकुट , कंठी कौस्तुभ मणी, दंडपेट्या , मोत्यांच्या कंठी , शिरपेच , मोत्याचा तुरा , कानात मत्स्यजोड , मोठी बोरमाळ , तुळशीची माळ , मारवाडी सोन्याचा करदोडा , तोडे जोड , सोन्याची तुळशीमाळ , आणि सोन्याचे पैंजण अशा अनमोल अलंकार विठुरायाचे साजरे रूप अतिशय उठून दिसत आहे